کۆرالاین (فیلم)

لە ئینسایکڵۆپیدیای ئازادی ویکیپیدیاوە
Jump to navigation Jump to search
کۆرالاین
دەرھێنەرھێنری سێلیک
بەرھەمھێنەربیڵ مەشانیک
نووسینھێنری سێلیک
مۆسیقابڕۆنۆ کۆلایس
دەستکاریکریستپڤەر مۆریی
کۆمپانیای بڵاوکەرەوەلایکا
ڕێکەوتی دەرچوون٥ی شوباتی ٢٠٠٩
ماوەی فیلم١٠٠ خولەک
وڵاتئەمریکا
زمانئینگلیزی
تێچوون٦٠ میلیۆن دۆلار
داھات١٢٤ میلیۆن دۆلار

کۆرالاین (بە ئینگلیزی: Coraline) فیلمێکی وێنەی جوڵاو، خەیاڵی، سێ دووریی ئەمریکییە. لە ساڵی ٢٠٠٩ بڵاوکرایەوە، لەگەڵ نوسەری بەڕیتانی «نیڵ گییمان». لەلایەن نوسەر و بەرھەمھێنی ڕوسی «ھێنری سلیک» ئاڕاستە کرا، لەگەڵ ڕەزامەندی نوسەر نیڵ گرییمان.

فیلمەکە لە وڵاتە یەکگرتووەکانی ئەمریکا لە ٦ی شوباتی ٢٠٠٩ بڵاوکرایەوە، دواتر لە ئاھەنگی فیستیڤاڵی پۆرتلاند فیلمەکە ستایش کرا.[١] لەکۆتایی ھەفتە داھاتەکەی بووە ″شازدە میلیۆن و ھەشت سەد و پەنجا ھەزار دۆلار، تا ئەیلولی ٢٠٠٩ لە بۆکس ئۆفیس ڕیزی سێیەمی گرت، فیلمەکە لەھەموو جیھان داھاتەکەی گەیشتە ١٢٠ میلیۆن دۆلار. فیلمی کۆرالاین پاداشتێکی زۆری وەرگرت، بەتایبەتی پاداشتی مۆسیقا. باشترین کارەکتەر دیزاین کراوە، زیاتر گرنگیان بەدیزاین داوە، ھەروەھا بۆ «پەیمانگای پاداشتی زێڕین ھەڵبژێردرا» چونکە فیلمی وێنەی جوڵاوی زیندوکردەوە.

چیرۆک[دەستکاری]

کۆرالاین کچێکە تەمەنی یازدە ساڵە، خۆی و دایک و باوکی بۆ کۆشکی ئەشلاند بۆ «ئۆریگن» ڕۆیشتن، کۆرالاین خۆی بەتەنھا دەدۆزێتەوە، لەبەر ئەوەی باوک و دایکی ھەمیشە خەریکی کارن. لەو ماڵەدا سەرنج دەدات، دەرگایەکی بچووک دەدۆزێتەوە، ئەو دەرگایە جیھانێکی ترە، کۆرالاین بڕیار دەدات، بۆ ئەوەی بچێتە ئەودیوی دەرگا بچووکەکە، دوای ئەوەی چوو، ژیانی تایبەتی خۆی بوو، ھەمان دایک و باوک، ھەمان ھاورێ، ھەمان دراوسێ، بەڵام کۆرالاین لەوێ زۆر دڵخۆشترە لە ژیانەکەی تری، چونکە لەوێدا لەلایەن دایک و باوکی خۆشەویستی پیدەدرێ، تەنھا جیاوازی ئەو شوێنە چاوی کەسەکان سروشتی نییە، بەڵکو لە جیاتی چاوی ڕاستەقینە قۆبچەی ڕەشی پێوەیە، بەڵام کۆرالاین زۆر دڵخۆشە وە گرنگی بەوە نادات، سەرەرای ئەوەش ھەموو شەوێک دەڕواتەوە ئەو شوێنە. شەوێک کۆرالاین نایەوێت لە جیھانە جادوویەکە بگەرێتەوە، دایک و باوکی پێشنیاری ئەوەی بۆ دەکەن (بەشەرتێک لەگەڵمان دەمێنیتەوە، دەبێت قۆبچە لەچاوت بدورینەوە)، کۆرالاین لەوکاتەدا دەلەرزێت، دەترسێت، لە دەسیان ڕادەکات، دەیەوێ بگەرێتەوە جیھانەکەی خۆی.

ڕۆڵەکان[دەستکاری]

  • داکوتا فانینگ: ڕۆڵی کۆرالاین دەبینێت، کۆرالاین پرچێکی شینی تۆخی ھەیە، چاکەتێکی زەرد، کچێکی ئازایە، زیرەک و بەمەراقە. فیلمەکە وەک ژیانی سەر ئەم جیھانەیە، کە گوێ بەقسەی منداڵ نادەن. ڕۆمان نوسی بەناوبانگی بەڕیتانی «نیڵ گەیمان» کەسێتی کۆرالاین باس دەکات، وەک کەسێکی پر ھێز و بوێری.
  • تێری ھاتشەر: لە فیلمەکەدا ڕۆڵی دوو کەس دەبینێت، یەکەم وەک مێڵ جۆنز کە دایکی کۆرالاین، دووەم ڕۆڵی دایکەکەی تری کۆرالاین یان دایکە جادووگەرەکە. نێڵ کە دایکی کۆرالاینە، نوسەرە و ھەمیشە لەگەڵ مێردەکەی کار دەکات، کاری ماڵەوەش دەکات، نێڵ بەراستی کۆرالاینی کچی خۆش دەوێت، بەڵام لەبەر کار زۆر شت فەرامۆش دەکات.
  • جۆن ھۆگمان: لە فیلمەکەدا ڕۆڵی دوو کەس دەبینێت، یەکەم وەک چارلی جۆنز کە باوکی کۆرالاین، بەھەمان شێوەی دایکی کچەکەی خۆش دەوێت، وە ھەمیشە دێک بە شێوەی ڕووخساری دەکات، بەڵام ئەمیش بەھەمان شێوە سەرقاڵە، کاری نوسەر و شتی تریش دەکات. دووەم ڕۆڵی باوکە جادوگەرەکە، لێرەدا وەک کەسێکی تر دەرەکەوێت، کاری سەیر دەکات، پیانۆژەن، باخەوان، گۆرانیبێژ، وەک کۆیلە ڕەفتار دەکات.

سەرچاوەکان[دەستکاری]

  1. ^ Turnquist، Kristi (February 5, 2009). "'Coraline' premiere offers Portland some Hollywood glitter". OregonLive.com. لە ڕێکەوتی September 3, 2016 ھێنراوە. 

بەستەرە دەرەکییەکان[دەستکاری]