کرمی کتێب (تابلۆ)

کرمی کتێب
دامەزران	١ی کانوونی دووەمی ١٨٥٠
ناو بە زمانی فەرمی	Der Bücherwurm
جێ	Museum Georg Schäfer، Grohmann Museum
خاوەن	Ignaz Kuranda، René Schleinitz
چەشن	ھونەری چەشنی
ئافرێنەر	کارڵ شپیدزوێگ
ڕووداوە بەرچاوەکان	فرۆشتن
ماددەی بەکارھاتوو	بۆیەی زەیتی، قوماشی کەتان
کۆکردنەوە	Museum Georg Schäfer، Grohmann Museum
Location of creation	ئەڵمانیا
دۆخی چاپکردن	پاوانی گشتی
Depicts Iconclass notation	31D16(+51)، 49M9، 31A4114، 41A343
لە ویکیدراوە دەستکاریی زانیارییەکان بکە

کرمی کتێب (بە ئەڵمانی: Der Bücherwurm)، ناوی تابلۆیەکی نیگارکێش و شاعیری ئەڵمانی، کارڵ شپیدزوێگ و نموونەیەکە لەسەر شێوازی بزووتنەوەی بیدێرمایێر. تابلۆکە وێنەی پیاوێکی بەتەمەن نیشان دەدات، کە لەسەر پەیژەی کتێبخانەیەک وەستاوە و خەریکی خوێندنەوەی کتێبێکە، کتێبێکی تری بە ھانیشکییەوە گرتووە و کتێبێک لە دەستەکەی تریدایە و کتێبێکیش لەنێو قاچەکانیدایە.

مێژوو

کارڵ شپیدزوێگ سێ وەشانی جیاوازی لەم شاکارە کێشاوە. یەکەمیان، کە نزیکەی ساڵی ١٨٥٠ کێشراوە، بە ناوی "کتێبدارەکە" (The Librarian) و لە ساڵی ١٨٥٢ لە ڤیێنا بە ئیگناز کوراندا فرۆشرا و ئێستا سەر بە کۆمەڵەی مۆزەخانەی جۆرج شێفەرە لە شڤاینفورت. نموونەیەکی تری ھەمان قەبارە لەلایەن سپیتزوێگەوە ساڵێک دواتر کێشرا و بۆ فرۆشتن بۆ بازرگانی ھونەری خۆی لە نیوویۆرک، ئێچ دەبلیو شاوس، نێردرا. ئەم نموونەیە ڕێگەی خۆی بۆ کۆمەڵەی ھونەری ڕێنێ شلاینیتز دۆزییەوە و وەکو میرات بەخشرایە کتێبخانەی گشتی میلواکی و لە کتێبخانەی ناوەندییان (میلواکی، ویسکۆنسن) دانرا. لە کانوونی دووەمی ٢٠١٤، تابلۆکە بە شێوەی قەرزی ھەمیشەیی درایە مۆزەخانەی گرۆمان لە قوتابخانەی ئەندازیاری میلواکی لە میلواکی. وەشانی کۆتایی شاکارەکە لە ساڵی ١٨٨٤ کێشرا.

شیکاری

تابلۆکە پیاوێکی بەتەمەنی حەز لە کتێب نیشان دەدات کە جلوبەرگێکی ناڕێکی لەبەردایە و لەسەر پلیکانەیەکی کتێبخانە ڕاوەستاوە، لە کاتێکدا چەندین بەرگی گەورەی لەژێر باڵەکانی و لەنێوان قاچەکانیدا گرتووە و بە چاوی کزەوە سەیری کتێبێک دەکات. بێ ئاگا لە دەوروبەرە بارۆکییەکەی (شێوەیەکی ھونەری) کە دیارە ھی شازادەیەک یان سەرۆکێکی ئایینی بووە، بە تەواوی سەرقاڵی لێکۆڵینەوەکانییەتی. دەستەسڕێک، کە بەبێ بایەخ خراوەتەوە گیرفانی، لە گیرفانییەوە شۆڕبووەتەوە. پانتۆڵە ڕەشەکەی تا سەر ئەژنۆی، پێگەیەکی تەختی شاھانە پێشنیاز دەکات. ئەو وردبینییەی کە پێیەوە سەیری کتێبەکەی دەکات لەناو کتێبخانە تۆزاوی و کۆنە شکۆدارەکەدا کە سەقفەکەی بە فرێسکۆ نەخشێندراوە، ڕەنگدانەوەی ھەڵوێستە ناوخۆییەکان و گەڕانەوەیە بۆ بەھا کۆنەپارێزەکان کە لەو سەردەمەدا کاریگەری لەسەر ئەورووپا ھەبوو.

پێشانگا

• 
•