کردار (بیرکاری)

کردار (ھەروەھا: کار، کردە؛ بە کورمانجی: کریار، Kiryar؛ بە ئینگلیسی: Operation) لە سادەترین مانای خۆی، لە بیرکاری و مەنتیقدا، کار یان ڕەوتانەیێکە کە لە یەک یان چەند نرخی دەرخۆر (input) نرخێکی نوێ (نرخی دەردراو - output) بەرھەم دێنێت. دوو جۆر کردار ھەیە: یەکانی (unary) و دوانی (binary). کردارە یەکانییەکان تەنیا یەک نرخ گیرۆدە دەکەن، وەکوو نەرێنی کردن و فانکشنەکانی سێگۆشەزانی. لە لایەکی ترەوە، کردارە دوانییەکان دوو نرخ وەردەگرن.

چوار کرداری سەرەکی لە بیرکاریدا ئەمانەن (ئەم چوارکردارە هەموویان دوانین): کۆکردنەوە، لێدەرکردن، دابەشکردن، لێکدان.