کتێبی سەوز (قەزافی)

ئەم وتارە سەبارەت بە کتێبەکەی موعەمەر قەزافی نووسراوە. بۆ فیلمەکە، بڕوانە کتێبی سەوز (فیلم). بۆ بەکارھێنانەکانی تر، بڕوانە کتێبی سەوز (ڕوونکردنەوە).

کتێبی سەوز

بەرگی عەرەبی کتێبی سەوز
نووسەر	موعەمەر قەزافی
وڵات	لیبیا
زمان	عەرەبی
بابەت	فەلسەفەی سیاسەت
ڕێکەوتی بڵاوبوونەوە	١٩٧٥
بڵاوبوونەوە بە ئینگلیزی	١٩٧٦
جۆری کتێب	چاپکراو
لاپەڕەکان	١١٠
ژپنک (ISBN)	978-1-5412-4131-2

کتێبی سەوز (بە عەرەبی: الكتاب الأخضر‎) کتێبێکی فەلسەفییە لەلایەن سەرۆک و پێشەوای پێشووی لیبیا موعەمەر قەزافی نووسراوە. لە ١٩٧٥ بەشی یەکەمی کتێبەکە بڵاوکرایەوە. لە ١١٠ لاپەڕە ھەموو تێڕوانین و ھزرەکانی خۆی نیشان داوە. لەبارەی ڕژێمەکانی حوکمڕانی و پەیوەندییان لەگەڵ ئەزموونە مرۆییەکان وەک ڕژێمی ھاوبەشی و سەرمایەداری لەگەڵ ئازادی و دیموکراتی. کتێبەکە وەک دەستوور و بنەمای ڕژێمی جەماوەری ناسێنرا لەلایەن موعەمەر قەزافییەوە.

بەشەکان

نووسەر کتێبەکەی دابەش کردووە بۆ سێ ڕەھەند:

• بەشی یەکەم: ڕەھەندی ڕامیاری، (١٩٧٥) تێیدا کێشە سیاسییەکانی دەسەلاتداری لە کۆمەڵگە ڕوون دەکاتەوە.
• بەشی دووەم: ڕەھەندی ئابووری، (١٩٧٧) تێیدا کێشە ئابوورییەکانی نێوان کرێکار و خاوەن کارەکە ڕوون دەکاتەوە.
• بەشی سێیەم: ڕەھەندی کۆمەڵایەتی، (١٩٨١) تێیدا چەندین پێشنیار لەبارەی خێزان و دایک و منداڵەکەی دەخاتە ڕوو لەگەڵ ئاشتکردنەوەی پەیوەندی نێوان ئافرەت و زانست بە ڕۆشەنبیری و ھونەرەوە.

ھەندێک لە دەقەکان

«دیموکراسی سیستەمێکی دیکتاتۆرییە و پەرلەمان شتێکی سەپێندراوە، ھەڵبژاردنیش تەڵەکەبازییە».

«سەیرکردنی وەرزش وەک نان خواردنی کەسێکە کاتێک تۆش دانیشتووی سەیری دەکەی».

سەرچاوەکان

• بەشداربووانی ویکیپیدیا، «معمر القذافي»، ویکیپیدیای عەرەبی. سەردان لە ١ی ئایاری ٢٠٢٠.

بەستەرە دەرەکییەکان

• کتێبی سەوز بە زمانی عەرەبی