کاپتنی سەرما (شەڕانگێزی کۆمیک)
کاپتنی سەرما ( بە ئینگلیزی Captain Cold)، ناوی ڕاستەقینەی لیۆنارد سناڕت ، شەڕانگێزێکی خەیاڵیە کە لە کتێبە کۆمیکە ئەمەریکیەکانی کۆمپانیای (دیسی)دا دەردەکەوێت ، بەزۆری دژی کارەکتەری فلاش کار دەاکت،کارەکتەرەکە لەلایەن (جۆن بڕوم کارماین ئینانتینۆ)ەوە درووستکراو و یەکەم دەرکەوتنیشی دەگەڕێتەوە بۆ تەمووژی ١٩٥٧.
ئەو سەرۆکی تیمی ڕۆگەکان - خراپەکارانە ، کە تیمێکی خراپەکارن پێکهاتوو لەچەند شەڕانگێزێکی تر.
لە لیستی وێبسایتی IGNدا ئەم شەڕانگێزە لە پلەی ٢٧ەمدایە لە باشترین شەڕانگێزەکانی کۆمیکدا لەنێو ١٠٠ شەڕانگێزدا.
مێژووی کارەکتەرەکە
[دەستکاری]لیۆنارد سناڕت لەلایەن باوکێکی دڵڕەقەوە گەورە کراوە بەم هۆیەوە دەچێت لای باپیری دەژێت ، کە کاری گواستنەوەی ساردەمەنیەکان بوو ، دوای ئەوەی باپیری مرد ، سناڕت بڕیاریدا ڕووبکاتە تاوانکاری و بەومەبەستە لەگەڵ چەند دزێک ڕێکەوت بەمەبەستی دزینی پارە و تاڵانکردنی بانکەکان. سناڕت هەستی کرد کە پێویستی بە چەکێکی نائاساییە بۆ ڕووبەرووبونەوەی دوژمنەکان وەک فلاش ، دوای گەرانێکی زۆر بابەتێکی بیردۆزی دۆزیەوە کە تیشکی سایکڵۆترۆن توانای ڕاگرتنی خێرایی فلاشی هەیە ، بۆیە هەستا دزەی کردە نێو تاقیگەی ستاڕ و لەوێ چەکێکی دزی کە بۆ ئەم مەبەستە دانرابوو ، دواتر دوای دەستکاریکردنی چەکەکە ، ڕۆژێکیان ڕووبەڕووی پاسەوانێک دەبێتەوە کاتێک چەکەکەی دەتەقێنێت ئەوەی بۆ دەردەکەوێت کە چەکەی زۆر لەوە زیاتر بە‌هێزە کە چاوەڕوانی دەکرد ، بەمشێوەیە سەرکێشیەکان کاپتن لەگەڵ پاڵەوانەکان دەست پێ دەکات.
دەرکەوتنە بەناوبانگەکان
[دەستکاری]- لە زنجیرەی فلاشە کۆنەکەدا کە ساڵی ١٩٩٠ەکان پەخش دەکرێت ئەکتەر مایکڵ چامپیۆن ڕۆڵی کاپنی سەرما دەگێڕێت.
- ئەکتەر وێنتوۆرت میلەر ڕۆڵی لیۆنارد سناڕت /کاپتنی سەرما دەگێڕێ لەزنجیرەی تەلەڤزۆنی فلاش، لەزنجیرەکەدا کاپتن چەکەکەی بەکاردێنێت بۆ ئەوەی ئەو شتانەی دێتە بەردەمی بیانبەستێنێت.و هەروەها خۆی لەگەڵ شەرانگێزێکی تر بەناوی میک ڕۆڕی /شەپۆلی گەرما دەکاتە تیمێک لەدژی فلاش.
 | ئەم وتار ھیچ پۆلێکی لەخۆ نەگرتووە. تکایە یارمەتی بدە بە زیادکردنی پۆلێک بۆ ئەوەی پێڕست بکرێت لەگەڵ وتار لێکچووەکان. (نیسان ٢٠١٧) |
