کۆندۆم

لە ئینسایکڵۆپیدیای ئازادی ویکیپیدیاوە
(ڕەوانەکراوە لە کاندۆمەوە)
Jump to navigation Jump to search
کۆندۆمێکی نیوەکراوەی پیاوانە

کۆندۆم یان کاندۆم (بە ئینگلیزی: Condom)، یان کاپوت پۆشەنێکی ناسکی پلاستیکییە، کاتی سێکسی ژن و پیاو، بۆ پێشگری لە سکپڕی نەخوازیاو یان نەخۆشی جنسی، بەسەر ئەندامی زا و ێ پیاودا دەکرێ . کۆندۆم یەکێکە لە چەندین کەرەسەی بەرگری کردن لە سکپڕی کە ناھێڵێ ئەندامی زایەندی نێرینە لەگەڵ تەڕایی ناو ئەندامی زاوزێی مێینەدا لێک بدرێن.

رووبەری ھەندێک لە کۆندۆمەکان بۆ بەرزکردنەوەی ئاستی متمانە لەبەر بەرگریکردن لە سکپڕی بە شلاوێکی تۆو کووژ دائەپۆشن. کۆندۆمەکان دوو جۆرن، کۆندۆمی پیاوانە و کۆندۆمی ژنانە

جۆرەکان[دەستکاری]

کۆندۆمێکی ژنانە
  • کۆندۆمی ژنانە بۆ ئەو ژنانە باشە کە ناتوانن مێردەکەیان یان شەریکی سێکسەکەیان رازی بکەن کۆندۆمی پیاوانە بەکار بێنێت، ئەم جۆرە کۆندۆمە بەقەت کۆندۆمە پیاوانەکە کاریگەر نیەو بەکار ھێنانی باشە بەڵام تا ئەندازەیەک ئەگەری زگپری نەخوازیاو ھەیە. ئەم خاڵە نابێ لەبیر بکرێ کە ھەرگیز کۆندۆمی پیاوانە و ژنانە بەسەر یەکەوە نابێ بەکار بێت چۆن ئەگەری دڕان و تێکەڵبوونی شلاوەکان و تەڕاییەکانی ژن و پیاو ھەیە.{بۆ سەلماندن پێویستی بە ژێدەرە}


چۆنیەتی بەکارھێنانی کۆندۆمی پیاوانە[دەستکاری]

چۆنیەتی بەکارهێنانی کۆندۆم بە ڤیدیو
چۆنیەتی بەکارهێنانی کۆندۆمی پیاوانە

کۆندۆمی پیاوانە پێویستە پێش لە نزیکی کردن (سێکس کردن) بەکار بێت لەبەر ئەوەی ئەو پێشاوەی پێش لە ھاتنەوەی ئاو دەری ئەدەن لەوانەیە ھەڵگری ڤیرووس گەلێک وەک ئێج ئای ڤی بێت و ببێتە ھۆی گواستنەوەی نەخۆشی. ھەروەھا ئەو پێشاوە ھەڵگری ھەندێک تۆوە کە توانایی زگپر کردنی کەسی بەرامبەری ھەیە.

ئەبێ کۆندۆمەکە بەسەر چووکی رەپ بوو دا بکێشرێ و بە شێوازێک بەکار بێت کە بۆشاییەکی بچووک لە سەری کۆندۆمەکەدا بمێنێتەوە تا کاتی ئاوھاتنەوە تۆوەکە لەو بۆشاییەدا کۆ ببێتەوە. پێویستە کۆندۆم ھەموو درێژایی چووکی پیاو لە سەرەوە تا خوارەوە دابپۆشێ. دەسبەچێ دوای ئاو ھاتنەوە کاتێک کە ھێشتا چووک حاڵەتی رەپ بوونی ماوە ئەبێ لە سێکس کردن دەست ھەڵبگیرێ و کۆندۆمەکە دەربھێندرێ. پێویستە کاتی دەرھێنانی کۆندۆم، لێواری کۆندۆمەکە بگیرێ تا ئاوەکە نەیێتە دەرەوە.

ھەر کۆندۆمێک پێویستە یەکجار کەڵکی لێوەربگیرێت و دوای بەکارھێنان فڕێ بدرێت. لە کاتی بەکارھێناندا سەرنج بدرێ کە کۆندۆمەکە کون نەبێت یان بە نینۆک و کەرەسەی تر نەدڕێ.ھەروەھا پێش لە بەکارھێنانی کۆندۆم ئەبێ بەرواری بەسەرچوونی کاتەکەی (ئێکسپایەر) سەیر بکرێت. ئەبێ کۆندۆم دوور رابگیرێت لە گەرمای زۆر و تیشکی تاو و شێ چونکە ئەم ھۆکارانە ئەگەری دڕان و کونبوونی کۆندۆمەکە زیاتر ئەکەن. ئەگەر کۆندۆم لە کاتی نزیکی کردن دا بدڕێ واتە کاتێک کە چووکی پیاو لە ناو لەشی ژندایە ئەبێ خێرا نزیکی کردن راگیرێت و کۆندۆمێکی نوێ بەکاربێت.

نابێت کۆندۆمی پیاوانە بە ماددە چەورەکان (وەک وازڵین) چەور بکرێت لەبەر ئەوەی ئەم ماددانە ئەبنە ھۆی زیان گەیشتن بە کۆندۆمەکە و لەدەسچوونی تایبەتمەندی بەرگریکەری لە زگپڕی. بۆ چەور کردن و خز کردنی کۆندۆم باشتر وایە لە ژێل گەلێکی رەوانکەر و خزکەر وەک (لۆبریکانت)، کە لە سەر بنەمای ئاوی سروشتی درووست کراوە کەڵک وەربگیرێت، ئەم ژێلە لە دەرمانخانەکان دەس ئەکەوێ.

چۆنیەتی بەکارھێنانی کۆندۆمی ژنانە[دەستکاری]

  • پێویستە کەمێک زەیت لەسەری کۆندۆمەکە دابنێیت، بەڵام وریابە کە زەیتەکە دژی پێکھاتەی کۆندۆمەکە نەبێت.
  • بە شێوازێک بۆستە کە توانات ھەبێت لە دانانی کۆندۆمەکە و تێدا مورتاح بیت، ئەگەر بە شێوازێک ئازاری دایت ئەوە ھەڵە داتناوە. دەتوانیت پێیەکت بەرزتر بکەیتەوە یاخوت ھەردوو پێکانت بەرزبکەیتەوە و بە دانیشتنەوە دایبنێیت.
  • بازنە ناوەکییەکە پاڵبنێ بۆ ناو زێت، ھەرچەندە ڕۆیشت پاڵبنێ تا دەگەیتە بنەوە. دەبێت بازنە دەرەکییەکەی یەک ئینچ لە دەرەوەی زێ بمێنێتەوە.
  • بە سووکی دەستت دەربھێنە، ئێستە ئامادەیت.

کەڵک وەرگرتن لە کۆندۆم لە لەشفرۆشیدا[دەستکاری]

لەبەر مەترسی بڵاوبوونەوەی نەخۆشیە جنسیەکان، خانەکانی لەشفرۆشی و لەشفرۆشەکان بەکارھێنەرە سەرەکیەکانی کۆندۆمن. لە وڵاتی چین لەو شارانە کە رادەی لەشفرۆشی لە ئاستێکی بەرزدایە، دەزگایەکی خۆکار و ئۆتۆماتیکی فرۆشتنی کۆندۆم لە شەقامەکان داندراوە بۆ ئەو کەسانەی وا ھەڵسوکەوتی مەترسیداریان ھەیە (لەشفرۆشەکان یان ھەر کەسێکی تر کە پێوەندی سێکسی لەگەڵ کەسی غەوارەدا ھەیە).[٢]

پەراوێزەکان[دەستکاری]