کاراکاڵ

لە ئینسایکڵۆپیدیای ئازادی ویکیپیدیاوە
کاراکاڵ

کاراکاڵ (بە ئینگلیزی: Caracal) پشیلەیەکی کێوی قەبارە مامناوەندە و لە دەوروبەری ئەفریقا و ڕۆژھەڵاتی ناوین و ئاسیای ناوەندی و ناوچە وشکەکانی پاکستان و باکووری ڕۆژاوای ھیندستان دەژی. ئەم جۆرە بە جەستەیەکی بەھێز و قاچی درێژ و دەموچاوێکی کورت و گوێچکەی درێژی مودار و ددانی درێژ تایبەتمەندە و دەناسرێتەوە. ڕەنگی پێستەکەی ڕەنگێکی سوورباو یان خاکییە، لەکاتێکدا بەشەکانی پێشەوەی سکی ڕەنگێکی کاڵتری ھەیە و نیشانەی بچووکی سوورباوی لەسەرە. درێژییەکەی لە شانەوە دەگاتە ٤٠–٥٠ سم و کێشی ٨–١٩ کیلۆگرامە. بۆ یەکەمجار لەلایەن سروشتناسی ئەڵمانیی یۆھان کریستیان دانیاڵ ڤۆن شێربەرەوە لە ساڵی ١٧٧٦ بە شێوەیەکی زانستیی وەسفی لێ کرا. کە بە ژێر جۆرەکان ناسراون.[١]

خۆراک[دەستکاری]

باڵندە و جووجەڵەی بچووک و سمۆریات و مەیموونە بچووکەکان دەخۆن. زۆر ئاژەڵیکە دەخۆن بەڵام ئەمانە خۆراکی سەرەکین.

ھەستەکان[دەستکاری]

بیستنیان نایابە. دەتوانن شوێنی نێچیر بزانن تەنھا بە بیستنی دەنگ. گوێیان ٢٠ ماسولکەی جیاوازی ھەیە کە یارمەتیان دەدات نێچیرەکانیان بدۆزنەوە.

زۆربوون[دەستکاری]

تەمەنی پێگەیشتن بۆ نێر و مێ لە نێوان ١٢ تا ١٦ مانگییە. ماوەی سکپڕی نزیکەی ٢ مانگ و نیوە. ١ تا ٦ بێچوو لە دایک دەبێت، بێچووەکان کەڕ و کوێرن لە سەرەتایی لە دایکبوونیان دوای ١٠ ڕۆژ

دەتوانن ببینن و ببیستن. دایکەکان بۆ ماوەی ٦ ھەفتە ئاگاداری بێچووەکانیان دەبن و بەخێویان دەکەن. فێری ڕاوکردن دەبن لە ١٢ مانگی تەمەنیان.

بارستایی بێچووی لە دایکبوو دەگاتە ٢٥٠ گرام. بێچووە کاراکاڵەکان لە تەمەنی ٢ مانگی دەتوانن گۆشت بخۆن. لە ٥ مانگی تەمەنیان ددانە ھەمیشەیییەکانیان دێت.

سەرچاوەکان[دەستکاری]

  1. ^ "Caracal", Wikipedia, 2022-07-18, retrieved 2022-09-09