ڕوانینگەی ئاسمانی هەولێر

لە ئینسایکڵۆپیدیای ئازادی ویکیپیدیاوە
Jump to navigation Jump to search

ڕوانینگەی ئاسمانی هەولێر بە ئینگلیزی:Erbil Observatory، گەورەترین ڕوانینگە و دەزگای ئاسمانی لە ڕۆژهەڵاتی ناوەڕاست و ١٣هەمین ڕوانینگەی جیهان لە سەردەمی درووست کرانی دا بوە.

ئەو ڕوانینگەیە دەکەوێتە باشووری کوردستان و لە شاری سۆران هەڵکەوتووە کە سەر بە پارێزگای هەولێره.


لە ساڵی ١٩٧٣ ئەحمەد حەسەن ئەلبەکر ئەمری درووست کردنی ئەو ڕوانینگەیەی لەسەر چیای کۆڕەک دا، ئەو ڕوانینگەیە ڕوانیگەیەکی ئاسمانیه کە لە سێ تێلێسکۆپ پێک هاتوە

لە سەرەتای هەشتاکان نزیکەی ٤٠٠ کەس بە نوێنەری لە Baresel، Epple، Krupp، Liebher و Zeis بۆ دروست کردنی سێ تێلێسکۆپەکە کاریان کردوە.

لە کۆتای ١٩٨٣ هەرچەندە ناوچەکە نزیک لە ناوچەی شەری بوو بەلام ئەوان تێلێسکۆپە بچووکەکەیان تاقی کردەوە، هەروەها شوێنەکە وەکوو ناوچەیەکی شەڕی داخرا.

٤٠٠ کەس لە ١٠ وڵات کاریان تێدا دەکرد، هەرکاتێ کرێکارەکان لە زستان دا چووبان بۆ پشووی هەینی بنکە دەبوا ڕێوشوێنی ئەمنی و چاودێری باشی بگرتبا بەر و ئەوان بە فرۆکە ڕۆیشتبان ئەوەش بە هۆی ئەوەی بەفر ڕێگاکانی دادەخست.

بە هۆی شەر ئەو ڕوانینگەیە هەرگیز تەواو نەبوو، وڵاتی ئێران لە شەڕی هەشت ساڵەی ئێران و ئێراق دا و هەروەها ئەمریکاش لە شەرێ کەنداو دا بە مووشەک ئەو ڕوانینگەیان پێکاو تێکیان دا.