چەوساندنەوەی مەسیحییەکان

چەوساندنەوەی مەسیحییەکان (بە ئینگلیزی: Persecution of Christians، بە عەرەبی: اضطھاد المسیحیین)، بریتیی بوو لە ڕیزێک چەوساندنەوە کە دووچاری مەسیحییەکان بووەوە لەماوەی بەرەبەیانی مەسیحییەت و سەدەکانی ناوەڕاست لەلایەن ئیمپراتۆریی ڕۆم و ھەندێک جاریش لەلایەن خودی مەسیحییەکان خۆیانەوە.

مەسیحییەکان بەدەست چەوساندنەوەیەکی زۆرەوە ناڵاندیان لەسەدە جیاوازەکاندا، لەمەدا جیاواز نین لە ھیچ ئایینێکی دیکەی سەر زەوی، چونکە ئایینەکانی سەرزەوی بەگشتی شوێنکەوتووەکانی تووشی چەندەھا چەوساندنەوە بوون، نموونەش بۆ ئەوە، چەوساندنەوەی یەھوودییەکان لەئەوروپا و موسوڵمانەکان لە ھیندستان و چەندینی تر.

لە ئێستادا لە ژمارەیەک وڵاتدا مەسیحییەکان ڕووبەڕووی گۆشەگیری دەبنەوە و لە ئێستادا مەزەندە دەکرێت کە نزیکەی ١٠٠ ملیۆن مەسیحی ڕووبەڕووی گۆشەگیری دەبنەوە، بە تایبەت لە وڵاتانی کۆمۆنیست و زۆرێک لە وڵاتانی ئیسلامی  و هیندستان توندترین گۆشەگیری لەسەر مەسیحییەکان، بەپێی ڕێکخراوی Open Doors، لە کۆریای باکوورە , کە ڕێگە بە هیچ ئایینێک نادرێت ڕێوڕەسمەکانی ئەنجام بدرێت، و چین , کە گۆشەگیری لەسەر مەسیحییەکان هەیە کە سەر بەو مەزهەبانە نین کە لەلایەن حکومەتی چینەوە پەسەندکراون، جگە لە سعودیە و ئێران .  لێکۆڵینەوەیەکی ئەم دواییە، کە لەلایەن ڤاتیکانەوە ئاماژەی پێکراوە ، ڕایگەیاندووە کە لە هەر ١٠٠ کەس کە بەهۆی ڕق و کینە ئایینیەوە کوژراون، ٧٥ کەسیان مەسیحی بوون.  هەندێک لە مەسیحییەکان مەزەندە دەکەن کە لە دوو هەزار ساڵی ئایینی مەسیحیدا، نزیکەی 70 ملیۆن باوەڕدار تووشی گۆشەگیری بوون و 45.5 ملیۆنیان واتە لەسەدا 65یان لە سەدەی بیستەمدا بەپێی گۆشەگیرییە نوێیەکە کوژراون .