چل ڕێساکەی عەشق: ڕۆمانێک دەربارەی ڕۆمی

لە ئینسایکڵۆپیدیای ئازادی ویکیپیدیاوە
Jump to navigation Jump to search
بەرگی چاپی ئینگلیزی

چل ڕێساکەی عەشق: ڕۆمانێک دەربارەی ڕۆمی (بە ئینگلیزی: The Forty Rules of Love: A Novel of Rumi) ڕۆمانێکە لەلایەن نووسەری تورک ئەلیف شەفەقـەوە نووسراوە لە ساڵی ٢٠٠٩ وە لەساڵی ٢٠١٠ەش بڵاوکراوەتەوە بە زمانی ئینگلیزی وە یەکێکەیشە لە ڕۆمانە پڕفرۆشەکان [١] ڕۆمانەکە زیاتر لە ٦٠٠ ھەزار دانەی لێ فرۆشراوە. چیڕۆکی ڕۆمانەکە پێکەوە گرێدانی کلتووری ڕۆژئاوایی و ڕۆژھەڵاتییە بەڵام ھەریەکەو لە کەش و سەردەمی خۆیەوە. ڕووداوەکان لە دوو سەردەمی جیاواز، سەدەی دوانزەھەم و سەدەی بیستویەکی ئێستا ڕوودەدەن، ئەمیش دەربارەی پەیوەندی ڕۆحی نێوان دوو سۆفیی وەک (جەلالەدینی ڕۆمی و شەمسی تەبرێزی) کە کاریگەرییان دوای نزیکەی ‌ھەشتسەد ساڵ دەکەوێتە سەر ڕۆماننوسێکی ڕۆژئاوایی بە ناوی عەزیز زاھارا. [٢][٣]

چیڕۆکی ڕۆمانەکە[دەستکاری]

ئێلا ڕۆبنشتاین ئافرەتێکی شوودار و خەمگین و تەمەنی ٤٠ ساڵانە کاتێ دەست بە کارێکی نوێ دەکا بۆ پەخشکارێکی ئەدەبی. یەکەم کاریشی خوێندنەوە و نووسینی سەرنجە بۆ ڕۆمانێک بە ناوی کفری شیرین کە لەلایەن کەسێکەوە نووسراوە بە ناوی ع. ز. زاھارا کە ڕۆمانەکە باس لە پەیوەندی شەمس و ڕوومی دەکا کە چۆن پاش ئەوەی شەمس دێتە لای ڕوومی، دەیکات بە کەسێکی جیاواز و شاعیرێکی بەسۆز و جەختکەرەوە لەسەر خۆشەویستی. ھەروەھا کاریگەری ڕێساکانی شەمسیشی دەکەوێتە سەر کە بریتین لە ٤٠ ڕێسا بۆ ژیان و خۆشەویستی و ئایین و ڕۆح و دەروون. ھەر کە ئێلا بەردەوام دەبێ لە خوێندنەوە، ئەوەی بۆ دەردەکەوێ کە ژیانی خۆی ئاوێنەی ژیانی ڕوومییە و زاھاراش وەکو شەمس بۆ ئەوە ھاتووە کە ئازادی بکا و بیگۆڕێ.

کەسایەتییە سەرەکییەکان (سەردەمی مەولانا)[دەستکاری]

  • مەولانا
  • شەمس
  • کیمیا
  • گوڵی بیابانی لەشفرۆش
  • کیرا
  • بکوژ
  • سلێمان سەرخۆش
  • حەسەنی سواڵکەر
  • باوەزەمان
  • فەقێ حوسام
  • عەلائەدین
  • سوڵتان وەلەد
  • دەمارگیرەکە
  • پێپرسی جەنگاوەر

کەسایەتییە سەرەکییەکان (سەردەمی ھاوچەرخ)[دەستکاری]

  • ئێلا
  • عەزیز
  • دەیڤد (مێردی ئێلا)

زمانە وەرگێڕدراوەکان[دەستکاری]

زمانی عەرەبی[دەستکاری]

خالد الجبیلی لە ساڵی ٢٠١٢ ئەم ڕۆمانەی لە ئینگلیزییەوە بۆ عەرەبی وەرگێڕاوە لەژێر ناونیشانی قواعد العشق الأربعون.

زمانی کوردی[دەستکاری]

بەرگی چاپی کوردی بە وەرگێڕانی جەلیل کاکەوەیس

ئەم ڕۆمانە دوو جار و لەسەر دەستی دوو وەرگێڕی شارەزا کراوەتەوە کوردی

  • بەرھەم ناودەشتی لە ئینگلیزییەوە وەریگێڕاوە لە ژێر ناونیشانی چل یاسای عاشقانە.
  • جەلیل کاکەوەیس لە عەرەبییەوە وەریگێڕاوە لە ژێر ناونیشانی چل ڕێساکەی عەشق.

ژێدەرەکان[دەستکاری]

  1. ^ https://www.theguardian.com/childrens-books-site/2014/dec/05/review-elif-shafak-forty-rules-of-love Archived ١٣ی ئەیلوولی ٢٠١٦, لە وەیبەک مەشین.
  2. ^ http://www.independent.co.uk/arts-entertainment/books/reviews/the-forty-rules-of-love-by-elif-shafak-2021678.html Archived ٢ی کانوونی دووەمی ٢٠١٧, لە وەیبەک مەشین.
  3. ^ http://www.penguin.com/read/book-clubs/the-forty-rules-of-love/9780143118527 Archived ٨ی تشرینی دووەمی ٢٠١٦, لە وەیبەک مەشین.

سەرچاوەکان[دەستکاری]