پەیکەری پێشمەرگە

پەیکەری پێشمەرگە پەیکەری پێشمەرگەیەکی چەکدار لە کەرکووکە کە ئاڵای عێراقی بەشێوەیەکی زۆرەملێ دراوەتە دەستی. بوونی پەیکەری پێشمەرگە لەشاری کەرکووک بەڵگە و دەرخەری ئەوەیە کە شاری کەرکووک لە ئێستا و ڕابردوودا هەردەم شارێکی کوردستانی و شاری کوردی بووە لەدوای داگیرکردنی شاری موسڵ لەلایەن داعشەوە بەهەمان شێوە سوپای عێراقی لە ناوچە جێناکۆکەکان بەشێوەیەکی فراوان کشایەوە و خەڵکەکەی بەتەنها بۆ داعش بەجێهێشت بەڵام دەستبەجێ هێزە کوردییەکان و هێزەکانی پێشمەرگەی کوردستان گەیشتنە کەرکووک و ناوچە جێناکۆکەکان و سینگیان کردە قەڵغان بۆ گەلەکەیان داستانێکی مێژوویان تۆمارکرد دژی داعش و چەندین زەبری کوشندەیان لە داعشدا لەهەمان کاتدا هێزە کوردییەکان و پێشمەرگە گیانیان بەخشی لەپێناو گەلەکەیان ، لە کاتی سازکردنییەوە ھەتا شەڕی کەرکووک پەیکەرەکە ئاڵای کوردستانی پێ بوو بەڵام دوای شانزەی ئۆکتۆبەر و داگیرکردنی شاری کەرکووک لەلایەن هێزە عێراقی و میلیشیاکانی سەر بە ئێران ، ئاڵای کوردستان لادرا و ئاڵای عێراق کرایە جێگای.

پەیکەرەکە بەرزی 23 مەترە و بنکەکەی 10 مەترە و سێ مەتریش قوڵە و ھەروەھا زیاتر لە ٧٠ ملیۆن دیناری بۆ سازکردنەکەی ویستووە. کەرەسەکانی ئاسن، چیمەنتۆ و فایبەرگەلاس تێیدا بەکارھاتووە و ماوەی کارکردنی دوو ساڵی خایاندووە، لە ٢٨ی تەممووز ٢٠١٥ ھەتا ٢٣ی ئەیلوولی ٢٠١٧. بەردی بناغەی لەلایەن کەسایەتیی شاری کەرکووک، ڕەمەزان حاجی ڕەشید داندرا و لەلایەن پەیکەرساز مان دەلۆ و گرووپەکەیەوە دروست کراوە.