پەروین مستەفا ئەحمەد
 | ئەم وتارە ھەتیوە، چونکە ھیچ وتارێکی تر بەستەری پێی نەداوە. تکایە لە وتارە پەیوەندیدارەکانەوە بەستەرەکان بەم پەڕە ئاشنا بکە؛ بۆ پێشنیارەکان ئامرازی دۆزینەوەی بەستەر تاقی بکەرەوە. (تشرینی دووەمی ٢٠٢٥) |
پەروین مستەفا ئەحمەد : (١١ی ئازاری ١٩٢٨ لە سلێمانی، عێراق - ٢٢ی کانوونی یەکەمی ٢٠٠٨ لە کالیفۆڕنیا، ئەمریکا) خانمە نووسەر و مامۆستایەکی کورد بوو، لە باشووری کوردستان.
ژیاننامە
[دەستکاری]سەرەتای ژیان و خوێندن
[دەستکاری]
پەروین کچی مستەفا کوڕی ئەحمەد، کچەزای پیرەمێردی شاعیر، لە ڕێکەوتی ١١ی ئازاری ١٩٢٨ لە شاری سلێمانی لە دایک بووە. قۆناغی خوێندنی سەرەتاییی و ناوەندیی لە سلێمانیی تەواو کردووە. پاشان لە ساڵی ١٩٥١دا خانەی بەرزی مامۆستایانی لە بەغدا تەواو کردووە.[١][٢]
خێزانداری
[دەستکاری]ساڵی ١٩٥٣ لەگەڵ شێخ عەبدولسەمەد کوڕی شێخ عەبدولقادری سەیید ئەحمەدی خانەقا خێزانی ھاوسەرگیریی کردووە و خاوەنی پێنج منداڵن بە ناوەکانی: ژوان، پەیمان، ژین، ئایین و شیلان.[١][٢]
مامۆستایەتی
[دەستکاری]ساڵانی (١٩٥٥–١٩٨٢)، پێ بەپێی وەزیفەی مێردەکەی کە دادوەری دادگا بووە، شارەوشاری کردووە و وەزیفەی مامۆستایەتیی لە: کەرکووک، بەغدا، ھەولێر و دواجار سلێمانی بەجێ ھێناوە. تا لە ساڵی ١٩٨٢دا خانەنشین بووە.[١][٢]
نووسین
[دەستکاری]جێی باسە، پەروین نووسینەکانی، جگە لە گۆڤاری گەلاوێژ، لە گۆڤاری "نزار"یشدا بڵاو بوونەتەوە[١][٢]
مردن
[دەستکاری]لە ساڵی ١٩٩٦ لەگەڵ ژوانی کچیدا ڕووی دەکاتە وڵاتی ئەمریکا و لەوێ نیشتەجێ دەبن، تاکو لە ڕێکەوتی ٢٢ی کانوونی یەکەمی ٢٠٠٨دا بە جەڵتەی مێشک کۆچی دواییی دەکات. لەوێ لە گۆڕستانی (ڕۆزلاون)ی شاری لیڤەرمۆری ویلایەتی کالیفۆڕنیا بە خاک دەسپێردرێت.[١][٢]
سەرچاوەکان
[دەستکاری]- 1 2 3 4 5 گۆڤاری نزار، ئامادەکردنی ڕەفیق ساڵح و سدیق ساڵح، ل١٣؛ ھێندێ زانیاریی بەڕێز خاتوو "ژوان"ی کچی لە ڕێی بەڕێز توانای فایەق ھوشیارەوە.
- 1 2 3 4 5 گۆڤاری گەلاوێژ (بەرگی یازدەھەم/ بەشی یەکەم) ژیاننامە و پێڕست، لاپەڕە: ٨.٢٥ - ٨.٢٦، ئامادەکردنی (سدیق ساڵح، ڕەفیق ساڵح، عەبدوڵڵا زەنگەنە)، لە بڵاوکراوەکانی بنکەی ژین بۆ بووژاندنەوەی کەلەپووری و بەڵگەنامەیی و ڕۆژنامەوانیی کوردی.
