پەتای جیھانیی کۆڤید-١٩ لە جەزائیر

لە ئینسایکڵۆپیدیای ئازادی ویکیپیدیاوە
Jump to navigation Jump to search

پەتای جیھانیی کۆڤید-١٩ لە وڵاتی جەزائیر بەشێکە لە پەتای جیھانیی نەخۆشی ڤایرۆسی کۆرۆنای ٢٠١٩ (COVID-19) کە ھۆکارەکەی نەخۆشی سەختی کۆئەندامی ھەناسەی ڤایرۆسی کۆرۆنا ٢ (SARS-CoV-2). لە مانگی شوباتی ٢٠٢٠دا بڵاوبوونەوەی ڤایرۆسەکە لە وڵاتی جەزائیر پشتڕاست کرایەوە.[١]

مانگی شوباتی ٢٠٢٠[دەستکاری]

لە ڕێکەوتی ٢٥ی شوبات دا تاقیگەکانی وڵاتەکە یەکەمین باری تووشبوون بە ڤایرۆسی کۆرۆنایان پشتڕاست کردەوە کە پیاوێکی بەڕەچەڵەک ئیتاڵی بوو لە ١٧ شوبات دا گەیشتبووە جەزائیر و لە ڕێکەوتی ٢٨ی شوبات دا وڵاتەکە ھەستا بە گەڕاندنەوەی بۆ ئیتاڵیا لەڕێی گەشتێکی تایبەتییەوە.[٢][٣]

مانگی ئازاری ٢٠٢٠[دەستکاری]

لە ڕێکەوتی ٢ی ئازاردا وڵاتەکە لەڕێی بڵاوکراوەیەکی وەزارەتی تەندروستی دوو باری تووشبوونی نوێی بە ڤایرۆسی کۆرۆنا ڕاگەیاند کە ئافرەتێک و کچەکەی بوون.

لە دوانیوەڕۆی ٣ی ئازاردا جەزائیر ھەستا بە پشتڕاستکردنەوەی دوو تووشبووی نوێ

و ھەردوو تووشبووەکە ئەندامی ھەمان خێزان بوون کە باوک و کچێک بوون و نیشتەجێی وڵاتی فەڕەنسا بوون، حکوومەت لە لێکۆڵینەوە و بەدواداچوون دا بوو بەمەبەستی دیاریکردنی ئەو کەسانەی پەیوەندی و بەرکەوتەیان لەگەڵیان دا ھەبووە. بەپێی بەیاننامەیەکەی وەزارەتی تەندروستی کۆی ژمارەی تووشبووانی پشتڕاستکراو گەیشتبووە ٥ کەس.

لە ئێوارەی ٣ی ئازاردا وەزارەتی تەندروستی سێ تووشبووی نوێی ڕاگەیاند کە ھەموویان ئەندامانی ھەمان خێزان بوون و کۆی ژمارەی تووشبووانی گەیاندە ٨ کەس. دوای ڕۆژێک و لە ٤ی ئازاردا وەزارەتی تەندروستی ٤ تووشبووی نوێی بە ڤایرۆسی کۆرۆنا پشتڕاستکردەوە کە کۆی ژمارەی تووشبووانی لە وڵاتەکەدا دەگەیاندە ١٢ کەس.[٤]

لە ١٤ی ئازاردا وەزارەتی تەندروستی جەزائیر ١٠ باری تووشبووی نوێ و یەک باری گیانلەدەستدانی بە ڤایرۆسی کۆڤید-١٩ پشتڕاستکردەوە. باری گیانلەدەستدانەکە ئافرەتێکی ٥١ ساڵان بوو کە بە سێیەمین باری گیانلەدەستدان دادەنرا لە پارێزگای «بلیدە». لەگەل ئەم ژمارە نوێیانە کۆی ژمارەی تووشبووانی تۆمارکراو لە وڵاتەکەدا گەیشتە ٣٧ کەس و ٣ باری گیانلەدەستدان و لەگەڵ چاکبوونەوەی ١٢ کەسی تووشبوو و بەجێھێشتنی شوێنی کەرەنتین.[٥]

مانگی نیسانی ٢٠٢٠[دەستکاری]

لە ١ی نیسان دا تەنھا لە ماوەی ٢٤ کاتژمێردا ژمارەی تووشبووانی پشتڕاستکراو ١٣١ کەس و ژمارەی گیانلەدەستدان ١٤ کەس بوو کە کۆی ژمارەی پشتڕاستکراوانی گەیاندە ٨٤٧ کەس و کۆی ژمارەی گیانلەدەستدانیش ٥٨ کەس. ھەروەھا باری گیانلەدەستدان لە ھەموو ئەم پارێزگایانە ڕاگەیەندرابوو: ٥ کەس لە جەزائیر، ٣ کەس لە بیلدە، ١ کەس لە غلیزان، ١ کەس لە غردایە، یەک کەس لە ئوم ئەل بەواقی، یەک کەس لە مەدییە، یەک کەس لە تیزی وزوو و یەک کەس لە عەین تموشنت.[٦]

لە ٢ی نیسان دا تەنھا لە ماوەی ٢٤ کاتژمێردا ١٣٩ تووشبووی نوێ و ٢٥ باری گیانلەدەستدان تۆمارکران کە کۆی ژمارەی تووشبووانی پشتڕاستکراوی دەگەیاندە ٩٨٦ کەس و کۆی ژمارەی گیانلەدەستدان ٨٦ کەس. بارە نوێیەکانی گیانلەدەستدان بەم شێوەیە لە پارێزگاکان تۆمارکرابوون: ٥ کەس لە بیلدە، ٥ کەس لە جەزائیر، ٤ کەس لە سێتیف، ٤ کەس لە مەدییە، ٢ کەس لە عەین دفلا و یەک کەس لە پارێزگاکانی تیارت، ئۆم ئەل بەواقی، تیپازا، بومرداس و باتنە.

لە ٣ی نیسان دا لە ٢٤ کاتژمێردا ٢٢ تووشبووی نوێ لە پارێزگای جەزائیر تۆمارکرا کە کۆی ژمارەی تووشبووانی دەگەیاندە ١٫١٧١ کەس و کۆی ژمارەی گیانلەدەستدان ١٠٥ کەس.

لە ٤ی نیسان دا لە ٢٤ کاتژمێردا ٨٠ تووشبووی نوێ و ٢٥ باری گیانلەدەستدانی نوێ تۆمارکران کە کۆی ژمارەی تووشبووانی پشتڕاستکراوی دەگەیاندە ١٫٢٥١ کەس و ١٣٠ باری گیانلەدەستدان.[٧]

مانگی مایسی ٢٠٢٠[دەستکاری]

لە ٣ی مایس دا تەنھا لە ٢٤ کاتژمێردا ١٤١ باری تووشبوونی نوێ و ٤ باری گیانلەدەستدان لە پارێزگای جەزائیر پشتڕاستکرایەوە کە کۆی ژمارەی تووشبووانی دەگەیاندە ٤٤٧٤ کەس و باری گیانلەدەستدان ٤٦٣ کەس. ساڵی خوێندنی ٢٠٢٠ بۆ ناوەندە فێرکارییەکان ھەڵپەسێردرابوو و ئەنجومەنی وەزیران ڕایەگەیاند کە بە زووترین کات لە کۆبوونەوەکانیان دا بڕیار دەدرێت بۆ بەتەواوی کۆتای پێھێنانی ساڵی خوێندن لە بەرژەوەندی و سەلامەتی قوتابی و خوێندکاران دا.[٨]

سەرچاوەکان[دەستکاری]

  1. ^ "Algerian health minister confirms first COVID-19 case | Africa Times". africatimes.com. 2020-02-25. Archived from the original on 17 March 2020. Retrieved 2020-05-25.
  2. ^ "Crunching the numbers for coronavirus". Imperial News. Archived from the original on 19 March 2020. Retrieved 15 March 2020.
  3. ^ "High consequence infectious diseases (HCID); Guidance and information about high consequence infectious diseases and their management in England". GOV.UK. Archived from the original on 3 March 2020. Retrieved 17 March 2020.
  4. ^ "Algerian health minister confirms first COVID-19 case". 25 February 2020. Archived from the original on 17 March 2020. Retrieved 5 March 2020.
  5. ^ "ترحيل المواطن الايطالي المصاب بكورونا" (بە Arabic). February 2020. Archived from the original on ١٠ی ئازاری ٢٠٢٠. Retrieved 5 March 2020. Check date values in: |archive-date= (help) Archived ١٠ی ئازاری ٢٠٢٠, لە وەیبەک مەشین.
  6. ^ "Deux nouveaux cas de coronavirus en Algérie, 19 au total". TSA (بە فەرەنسی). 7 March 2020. Archived from the original on 15 March 2020. Retrieved 13 March 2020.
  7. ^ Mehenni, Ouramdane (8 March 2020). "Coronavirus: un nouveau cas enregistré, 20 au total en Algérie". Algerie Eco (بە فەرەنسی). Archived from the original on 22 March 2020. Retrieved 13 March 2020.
  8. ^ "إرتفاع عدد الوفيات المصابين بفيروس كورونا إلى إثنين". النهار أونلاين (بە عەرەبی). 12 March 2020. Archived from the original on ١٢ی ئازاری ٢٠٢٠. Retrieved 13 March 2020. Check date values in: |archive-date= (help)