پێکچوواندن

پێکچوواندن چەشنێ بەڵگەھێنانەوەیە کە تێیدا ئەو حوکمە کە بۆ شتێ دیاری دەکرێ بەھۆی وێچوونییەتی لەگەڵ شتی تردا. بە واتایەکی تر، کاتێ دوو شت لە بارێکەوە ھاوبەش بن و وێک بچن، ئەگەر لە بابەت یەکێکیانەوە حوکمێ دەربچێ، دەکرێ ئەو حوکمە، لەبەر ئەو بارە ھاوبەشە، بۆ ئەوی کەشیان بە کار بچێ. کەوایە، پێکچوواندن ئاکامگرییەکی لە تاکەوە بۆ تاکە. ھەم پێشەکی تاکە، ھەم ئاکام. ئەمە پێچەوانەی ڕێگاکانی تری بەڵگەھێنانەوە، وەک ھەڵھێنجان و ئیستیقرایە، کە لە نێوان پێشەکی و ئاکامدا یەکێکیان تێکڕایییە. بۆ وێنە، بەھۆی ئەوەی کە لە مەریخدا وەک زەوی ئاو و ھەوا ھەیە، حوکم بکرێ کە لە مەریخیشدا وەک زەوی گیاندار ھەیە. یان لەبەر ئەوەی کە فڵانە دەرمان بۆ مەیموون کاریگەریی باشی بووە، حوکم بکرێ کە بۆ ئینسانیش کاریگەریی باشی دەبێ.

پێکچوواندن لە فیقھدا قیاسی پێ دەڵێن.

بەستەرە دەرەکییەکان

• Stanford Encyclopedia of Philosophy "Analogy and Analogical Reasoning", by Paul Bartha.
• Stanford Encyclopedia of Philosophy "Medieval Theories of Analogy", by E. Jennifer Ashworth.
• Stanford Encyclopedia of Philosophy "Precedent and Analogy in Legal Reasoning", by Grant Lamond.
• Dictionary of the History of Ideas Analogy in Early Greek Thought.
• Dictionary of the History of Ideas Analogy in Patristic and Medieval Thought.
• Computational approaches to computing temporal analogy.