پێشبینی گەورە

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان

پێشبینی گەورە (بە ئینگلیزی: Great expectation) ڕۆمانێکی مێژووییە لە نووسینی نووسەری بەناوبانگی ئینگلیزی چاڕڵز دیکنز. ئەم ڕۆمانە سێزدەیەمین ڕۆمانیەتی کە نووسیوێتی. ڕۆمانی پێشبینی گەورە لەساڵی ١٨٦٠ دەستکراوە بە نووسینی و لەساڵی ١٨٦١ تەواوبووە قەبارەی ڕۆمانەکە ٥٤٤ لاپەڕەیە.

کورتەیەک دەربارەی ڕۆمانەکە[دەستکاری]

ڕۆمانەکە باس لە کوڕێک دەکات بەناوی (فلیپ پریپ) کە ئەوکاتەی ئەو بچووک بووە دایک و باوکی مردوون و ئەو ڕۆژانە سەردانی گۆڕستان دەکات بۆ لای گۆڕی دایک و باوک و براکەی. پریپ لە گۆڕستان پیاوێکی ترسناک دەبینێ و پیاوەکە داوای لێدەکات ئامێرێکی بۆ بێنێ بۆ بڕینی ئەو کانزایەی لە قاچی بەستراوە و داوای خواردن و شەڕابی لێدەکات و دەڵێ ئەگەر ئەوەی داوام کردووە بەیانی بۆم نەھێنێ ئەوا پیاوێکی گەنجم ڕاسپاردووە تا بتکوژێ. لێرەوە چیرۆکەکە دەستپێدەکات. فلیپ لەگەڵ خوشکە گەورەکەی و مێردی خوشکەکەی دەژی، خوشکەکەی لەگەڵی خراپە، بەڵام بە پێچەوانەوە، مێردی خوشکەکەی زۆر لەگەڵی باشە و یارمەتی دەدات تا بەسەر کێشەکان سەرکەوێ.

کەسایەتییە سەرەکییەکان[دەستکاری]

  • فلیپ پریپ: کەسایەتی سەرەکییە و ئەو چیرۆکەکە دەگێڕێتەوە.
  • جۆی گارگەری: مێردی خوشکی پریپ بوو پیاوێکی میھرەبان و باشبوو و بۆ پریپ و وەکی باوکی وابوو و ئاسنگەر بوو.
  • خانم جۆی گارگەری: خوشکی پریپ بوو ٢٠ساڵ لە پریپ گەورەتربوو.
  • بەڕێز پەمبلیکۆک: مامی جۆی گارگەری بوو و بازرگانی گەنمەشامی بوو.
  • میش ھاڤیشم: ژنێکی دەوڵەمەندی قەیرە بوو.
  • ئێستێلا: کچێکی جوان بوو و میس ھاڤیشم ھەڵیگرتبۆوە و کردبووی بە کچی خۆی.
  • ماتیۆ: ئامۆزای میس ھاڤیشم بوو.
  • ھێربەرت: کوڕی ماتیۆ بوو ئەو کەسە بوو کە مێوانداری پریپی کرد بۆ سەردانیکردنی میس ھاڤیشم.

سەرچاوەکان[دەستکاری]

  • ویکیپیدیای ئینگلیزی