پۆلیمەر

لە ئینسایکڵۆپیدیای ئازادی ویکیپیدیاوە

پۆلیمەر (کوردی: کۆپاژ، فره‌پاژ ، ئینگلیزی: Polymer) بریتییه‌ له‌ گەردێکی زۆر گەورە که‌ لە پێک گه‌یشتنی ژمارەیەک پاژی بچووکی دووپاته‌بوو، به‌ ناوی مۆنۆمه‌ر (یه‌کپاژ) پێک ھاتووە.

جۆره‌کانی پۆلیمه‌ر[دەستکاری]

به‌ ژماره‌ی دووپات بوونه‌وه‌ی یه‌کپاژه‌کان له‌ فره‌پاژێکدا، پله‌ی فره‌پاژی یان پله‌ی پۆلیمه‌رزه‌یشن ده‌ڵێن. بڕێک له‌ فره‌پاژه‌کان له‌ یه‌ک جۆر یه‌کپاژ پێک دێن. بڕێکیش له‌ پێک گه‌یشتنی چه‌ن جۆر یه‌کپاژ دروست ده‌بن.

زۆربه‌ی ماکه‌ سه‌ره‌کییه‌کان؛ وه‌ک: پرۆتین ، چێو ، کاوچۆ، ڕزینه‌کان، شووشه‌ ، چه‌سپ و کاشی و... ماکی پۆلیمه‌ری یا فره‌پاژن.

له‌م نووسراوه‌دا له‌جیاتی وشه‌ی "پۆلیمه‌ر" له‌ وشه‌ی "فره‌پاژ" ی کوردی که‌ڵک وه‌رده‌گیرێت.

پۆلێنی فره‌پاژه‌کان[دەستکاری]

فره‌پاژه‌کان به‌ دوو ده‌سته‌ی سروشتی و ناسروشتی دابه‌ش ده‌بن. هه‌ڵبه‌ت به‌ جۆری تریش پۆلێن ده‌کرێن، ئه‌م پۆلێنه‌ی ژێره‌وه‌ به‌ پێی پێکهاتی فره‌پاژه‌کان کراوه‌:

فره‌پاژه‌کان له‌ باری خۆڕاگری له‌ به‌رامبه‌ر گه‌رمادا به‌ دوو ده‌سته‌ی "گه‌رمانه‌رم" (تێرمۆپلاستیک؛ واته‌: له‌ به‌ر گه‌رمادا نه‌رم ده‌بنه‌وه‌ و ده‌توێنه‌وه‌) و "گه‌رما پته‌و" (تێرمۆسێت؛ واته‌: له‌ به‌ر گه‌رمادا پته‌ون و ناتوێنه‌وه‌، به‌ڵکوو له‌ گه‌رمای زۆر به‌رزدا به‌ یه‌کجار شی ده‌بنه‌وه‌) دابه‌ش ده‌بن.


سەرچاوە[دەستکاری]

  • پەرتووکی کیمیا ١٢، چاپی سێیەم - ٢٠١٢، «وەزارەتی پەروەردەی ھەرێمی کوردستان».
  • ویکی پێدیای فارسی