پایرەت بەی

لە ئینسایکڵۆپیدیای ئازادی ویکیپیدیاوە
Jump to navigation Jump to search

پایرەت بەی(بەئینگلیزی:The Pirate Bay) (بەکوردی:کەنداوی چەتەکان)، وێبگەیەکی سوێدیە ھەڵدەستێت بە ھاوبەش پێکردنی بەرگەپەرە ئەلیکترۆنیەکانی تۆڕێنت torrent. بەگوێرەی سەرژمێریەکی ساڵی ٢٠١٠ لەڕێزبەندی ٩٩ ھەمین وێبگەبوو  کە زۆڕترین کەس سەردانی کردبێت،بەگوێرەی پۆڵێنکردنەکانی ئەلێکسا ،لە ١٠ دیسەمبەری ٢٠١٤ بەرێوەبەرانی وێبگەکە کەوتنە ناو ڕێزبەندی ڕەش لەلایەن پۆلیسی سوێدیەوە،بەڵام لەیەکی فێبرایەری ٢٠١٥ وێبگەکە بەکارکەوتەوە بە وەرزێکی نوێ و فراوانترەوە.

لەسەرەتادا ئەم وێبگەیە دامەزرا لە نۆڤەمبەری ٢٠٠٣ لەلایان دژەتاوانی سەربە ڕێکخراوی پاراستنی مافی داھێنان و بڵاوکردنەوەی سوێدی ،(Piratbyrån)(نوسینگەی چەتەکان)بەڵام کارکردن و چاڵاکیان وەک ڕێکخراوێکی سەربەخۆ دەگەڕێتەوە بۆ تەشرینی یەکەمی ٢٠٠٤ ،بەرێوەبردنی ئەم وێبگەیە لەلایەن گۆتفرید سڤارتھۆڵم (Gottfrid Svartholm )و فرێدریک و پێتەر سوندێ(Peter Sunde) بوو کە ھەرسێکیان تاوەنبارکران بە ھاوکاریکردنی پایرەت بەی بۆ خواردنی مافی داھێنان و بڵاوکردنەوەی بەرھەمە کەسیەکان.

لە ٣١ ئایاری ٢٠٠٦ پۆلیسی ستۆکھۆڵم ھێرشی کردە سەر بەرێوەبەرانی وێبگەکە و فەرمانی ڕاگرتنی وێبگەکەیان دەرکرد بۆماوەی سێ ڕۆژ،بەگوێرەی مانشێتێکی ڕۆژنامەی لۆس ئانجلەس تایمز پایرەت بەی((یەکێکە لەھەرە وێبگەگەورەکانی جیھانە بۆ بارکردنی زانیاریە نایاساییەکان))وە زۆرترین لایەن لە کۆمەڵگەی نێودەوڵەتی ناڕەزاییان نیشان دا بەرامبەر پاراستنی بەھای داھێنان و پاراستنی بڵاوکراوەکان ،لە ١٥ تەشرینی دووەمی ٢٠٠٨ پایرەت بەی ڕایگەیان کە نزیکەی ٢٥ ملیۆن ھاوبەش(peers) یان ھەیە،لە لە دیسەمبەری ٢٠٠٩ لەئاھەنگێکی یادکردنەوەیاندا ڕایان گەیان کە تەنھا ٤ ملیۆن کەس ناوی خۆی تۆمارکردوە لە ھاوبەشەکانیان((بۆداگرتنی ھەرزانیاریەک پێویستی بەناوتۆمارکردن نیە لە وێبگەکەیان))وە لەھەمان ساڵ شێوەی پەخشی وێبگەکەیان گۆڕی بۆ شێوازە کۆنەکەی(شێوازی ٢٠٠٣)،لە ١٠ دیسەمبەری ٢٠١٤ وێبگەکە کەوتە ناو لیستی ڕەشەوە ئەمیش دوای ھێرشی پۆلیسی سوێدی بۆسەر بارەگاکەیان ،کە بوە ھۆی خەمباری و پەڕۆشی بەرێوەبەران و ھاوبەشەکانیان ،دواھەمین وڵات کە چاڵاکیەکانی ئەم وێبگەیەی قەدەغەکرد لەسنوری وڵاتەکەیان ھەریەکە لە فەرەنسا و ئینگلتەرا بوون دواتر ھاوبەشگا(کۆمپانیا)ی گۆگل ھەموو زانیاریەکان و پەیرەوکاریەکانی پەیوەست بەپایرەت بەی سریەوە و قەدەغەی کرد لە کۆگای گوگل(Google Play Store).

پایرەت بەی بەشداری چەندین دانیشتنی دادگای کرد ،دادگا بڕیاری دانیشتنەکانی بە زیانی پایرەت بەی کۆتایی پێ ھێنا لە ١٧ نیسانی ٢٠٠٩ بەدەرکردنی بڕیاڕی بەنکردنی ساڵێک و پێژماردنی ٣٠ ملیۆن کرۆنی سوێدی (٣٦٢٠٠٠٠ دۆلاری ئەمەریکی )بۆ ھەرسێ بەرێوەبەرەکە ،بەڵام دوای تێپەربوونی حەوت ڕۆژ لە بڕیاری دادگا لەلایەن ھەرێکیانەوە تانە لەبڕیارەکانی دادگا درا و داوای ھەموارکردنەوەی بڕیارەکەیان کرد،پاشان دادگا پێداچونەوەی بە بڕیارەکانی کرد و سزای بەندکردنەکانیان بۆ ھەشت مانگ کەم کرایەوە.

دەستکەوتە ئابوریەکانی[دەستکاری]

پێتەر نیڵسۆن کە پاڵێوراوێکی ڕامیاری بوو بڕی ٣٥٠٠٠ کرۆنی سوێدی ()٣٨٠٠ دۆلاری ئەمریکی)بەخشی بە وێبگەکە،سەرمایەکانی تریان لە ڕێگای پروپاگەندەوە دەستدەکەوت کە بەگوێرەی ھەلسەنگەیاندنی سڤێنسکا داگبلادێت داھاتی مانگانەی وێبگەکە نزیکەی٦٠٠٠٠٠ ملیۆن کرۆنی سوێدی (٦٥٠٠٠ دۆلاری ئەمریکی) بووە،بەڵام بەگوێرەی ھەڵسەنگەیاندنی پۆلیسی سوێدی داھاتی وێبگەکە  زیکەی ١.٢ ملیۆن کرۆنی سوێدی (١٥٠٠٠٠ دۆلاری ئەمریکی) بووە لە ساڵێکدا،دادگاش سەرمایەی وێبگەکەی بە ١٠ ملیۆن کرۆنی سوێدی خەملاند(١.٢ ملیۆن دولاری ئەمریکی).

ئاستەنگەکانی وێبگەکە[دەستکاری]

وێبگەکە ئاستەنگێکی زۆری لەبەردەم بوو بەھۆی ئەو ھەموو زانیاریە نایاساییانەی کە ھەڵیگرتبوون ،بەمە زۆرینەی وڵاتان بۆ پاراستنی مافی بەرھەمی داھێنەرانیان ئاستەنگیان خستبوە بەردەم ھاوبەشەکانی وێبگەکە،لەگەڵ ئەمەش ژمارەی سەردانیکەرانی وێبگەکە ڕوو لە ھەڵکشان بوو تەنانەت لە وڵاتە ئاستەنگەکانیش کە ھاوبەشەکان زۆڕ ڕێگایان دۆزیبوەوە تا سەردانی بکەن وەک بڕۆکسی یان بەڕێگای بەستەری جۆربەجۆری تر کە بەسترابۆوە بە دەستپێکی وێبگەکە

پاشکۆ دادیەکان[دەستکاری]

بەھۆی پێشێلکردنی مافی پاراستنی بەرھەمە ھیزریەکان پۆلیسی سوێد ھەڵمەتێکی دژی وێبگەکە ئەنجام دا لە ٣١ مایۆ ٢٠٠٦ وە لە ٢٠٠٩ بڕیاری کۆتایی دادگای بۆ دەرچوو کە بریتی بوو بە داخستنی وێبگەکە و بەندکردنی بەرێوەبەرانی ،بەڵام دواتر لەڕێگای خزمەتگوزاری ترەوە بەکارکەوتنەوە و بەردەوام بوون.

ئەمەش ببینە[دەستکاری]

بەستەرە دەرەکیەکان[دەستکاری]

سەرچاوەکان[دەستکاری]

ویکیپیدیای عەرەبی