ویکیپرۆژە:ناوی وڵاتەکان

ناوی وڵاتەکان لە کوردیدا بە ھۆی نەبوونی ڕێکخراوێکی ڕەسمی و شارەزای جوگرافی و جودابوونەوەی چەند سەد ساڵەی ڕۆژھەڵات و باشووری کوردستان و جیاوازییە کولتوورییەکان بووەتە شتێکی ناڕوون و ئاڵۆز. زانینی ناوی دروستی وڵاتەکان لەم سەردەمەدا کە وردە وردە کورد و حکوومەتی ھەرێم پەیوەندیی لەگەڵ وڵاتانی تردا زۆر دەبێ شتێکی زۆر پێویستە. ھەروەھا بۆ پەرەپێدان و بە ناوچەیی کردن و جیھانی کردنی بەرنامەکان (Internationalization and localization) ھەبوونی پێرستی ناوی وڵاتان زۆر پێویستە. ھیوادارم ئەم ویکیپرۆژەیە ببێتە ھۆی زۆرتر گرنگیدان بەم کێشەیە و پێداچوونەوەیەکی ورتر و باشتر و پێکھێنانی لیستێکی دروست و یەکگرتوو. --ئاسۆ (لێدوان) ١٥:٥٧, ١٨ حوزەیران ٢٠١٣ (UTC)

پێوەرەکان

1. باوبوونی ناوەکە لە ئاستی کوردستاندا بۆ نموونە میسر کە ناوی خۆماڵیەکەی «مەصر»ە بەڵام لە کوردیدا ھەر بە میسر بووە بە باو.
2. ناوی خۆماڵیی سەر زار خودی نەتەوەکانی وڵاتەکە
3. ناوی وڵات لەسەر زاری نەتەوە دراوسێکانی کورد وەک عەرەب و فارس و تورک

داڕێژە پێویستەکان

• داڕێژە:دەنگ (داڕێژە:Audio): بۆ گوێدان بە ناوی خۆماڵی؛ نموونەی بەکاھێنان: ( پالاو (Palau) )