نووری شاھین

نوری شاھین لە ئەڵمانیا لەدایکبووە لە ڕێکەوتی ٥ی ئابی ١٩٨٨، لە ساڵی ٢٠٠١ پەیوەندی بە ئەکادیمیای وەرزشی یانەی بوروسیا دۆرتمۆندەوە کردووە. لە ٦ی ئابی ٢٠٠٥ ڕیکۆردێکی بە ناوی خۆیەوە تۆمارکرد بەوەی بووە لاوترین (کەمتەمەنترین) یاریزان لە خولی بۆندسلیگادا یاری بکات لە یاری بەرامبەر وۆڵفسبۆرگ. سێ مانگ دواتر لە ٢٦ی تشرینی دووەمی ٢٠٠٥ بووە کەمتەمەنترین یاریزان کە لە خولی ئەڵمانییدا گۆڵ تۆمار بکات بەرانبەر یانەی نورێمبێرگ.

نوری شاھین

کاروانی وەرزشی

کاروانی نێودەوڵەتی نوری شاھین لەگەڵ ھەڵبژاردەی تورکیای ژێر تەمەن ١٧ ساڵان دەستی پێکرد کاتێک تەنیا ١٦ ساڵی تەمەن بوو لە پاڵەوانیەتی وڵاتانی ئەوروپای ژێر تەمەن ١٧ ساڵان. لەو پاڵەوانیەتییەدا یەکێک بوو لە یاریزانە باشەکان و دووەم گۆڵکەر بوو. لە تشرینی یەکەمی ٢٠٠٥یشدا لەگەڵ ھەڵبژاردەی یەکەمی تورکیا یەکەم یاری نێودەوڵەتیی خۆی کرد بەرانبەر ئەڵمانیا و بووە لاوترین یاریزانیش لە مێژووی ھەڵبژاردەی وڵاتەکەیدا کە گۆڵ بکات. لە وەرزی ٢٠٠٧–٢٠٠٨ بوروسیا دۆرتمۆند بەخواستن نووری شاھینی وێدایە یانەی فیێنۆردی ھۆڵەندی و ساڵێک دواتر گەڕایەوە یانە ئەڵمانییەکە … لەگەڵ بوروسیا دۆرتمۆند بەشداری لە ١٣٥ یارییدا کردووە و ١٣ گۆڵی بۆ تۆمارکردوون،لەوەرزی ٢٠١١–٢٠١٢ ڕووی کردە یانەی ڕیال مەدرید و تا ئێستاش بەردەوامە لەگەڵ یانەی ڕیال مەدریدی ئیسپانی

دەستکەوتەکان

بروسیا درۆتمۆندی ئەلمانی

• خوولی ئەڵمانی ناسراو بە بۆنیسلیگا وەرزی ٢٠١٠ – ٢٠١٢

ڕیال مەدریدی ئیسپانی

• خوولی ئیسپانیا ناسراو بە لالیگا ٢٠١١ – ٢٠١٢

=ھەڵبژاردەی توورکیا

• جامی نەتەوەکانی ئەوڕووپای خوار تەمەن ١٧ ساڵی لەساڵی ٢٠٠٥

سەرچاوە

• ماڵپەڕی یاریگا
• وێکی ئنگلیزی