نه‌ھه‌نگى سپى

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان

نه‌هه‌نگى سپى گيانه‌ورێكى شيردەرى ده‌ريايه‌، بچووکترین جۆرى نەهەنگەکانى سەر گۆى زەویە. شێوەى بە دۆلفین دەچێت رەنگى سپیە بەلام جیا لە نەهەنگەکانى تر پەڕەى مەلەکردنىلەسەر پشتدا نیە.

نەهەنگى سپى

ژیانى[دەستکاری]

لە هاویندا لە ئاوە زۆر ساردەکاندا دەژیت بە تایبەت لە کەنارەکانى سەرووى ئالاسکا و باکوورى رووسیا و کەنەدا لە زەریاى سەهۆڵبەندى جەمسەری باکوور. لە زستاندا لە بەر بەستەڵەک و سەرماى دژوار ئەم شوێنانە بەجێ دێڵێ و کۆچدەکات بۆ لێوارەکانى فەرەنسا و گرینلاند .

شوێنى بلاوبوونەوە

شێوەى[دەستکاری]

نەهەنگى سپى چوار تا شەش مەترە درێژە. کێشەکەى لە نێوان یەک تا یەک تەن و نیوە. لە هەردوو شەویلاگى ناو دەمیدا نزیکەى هەشت تا دە ددان هەن. بۆ مەلەکردن پەڕەکانى تەنیشتى وەک سەوڵ بەکاردێنێت. هەستى بیستنى زۆر بەهێزە , 35 تا 50 ساڵ دەژیت.خۆراکى نەهەنگى سپى زیاتر بریتیە لە گۆشتى ماسی لە جۆرى سەلەمۆن و رەنکە هەروەها زیندەوەرى دەریاییەکان وەک ئەختەپوت وهی تر.

زاووزێى[دەستکاری]

نێرو مێى نەهەنگى سپى لە تەمەنى دواى چوارساڵیدا باڵغ دەبن بۆ زاووزێ. ماوەى ئاوس بوونى مێینەکەى14 تا 15 مانگە . هەر سێ ساڵ جارێک بێچووە منداڵێکى دەبێت. بۆ ترەکان مێینەى نەهەنگەکە دەچێتە ئاوە فینکەکانى رێژگەى رووبارەکان یان کەنداوەکان. رەنگى بێچووەکەى سپى نیە بەڵکو بۆرى مەیلەو شینە. ئەو بێچووە یەک ساڵ لەسەر شیرى گوانى دایکى دەژیت تا ددان دەردەکات. پاش ئەوە ووردە ماسى ناو دەریاکان دەخوات.

ڕه‌وشتی[دەستکاری]

نەهەنگى سپى گیانەوەرێکە بە ڕەوە و بەکۆمەڵ دەژیت هەر ڕەوە نەهەنگێک لە نزیکەى دوو تا بیست وپێنج نەهەنگ پێکدێت. زۆر ئاره‌زووى لە یاریکردنە هەندێک جار بۆ خۆشى و یارى هاوشانى کەشتیەکانى دەریا مەلە دەکا . لە ناو گۆمه‌ دروستکراوەکانى باخچەى ئاژەڵاندا نەهەنگى سپى زۆر خۆشەویست و سەرنجراکێشە.رەفتارى ژیرانەیەو حەز بە تەماشاکردنى جولانەوەى مرۆڤەکان دەکات.

لەکاتى یارىکردندا

سەرچاوەکان[دەستکاری]