نادۆ ماخمەدۆڤ
نادۆ ماخمەدۆڤ Նադո Մախմուդով Nadoyê Xudo Maxmedov | |
|---|---|
| لەدایکبوون | ١ی کانوونی دووەمی ١٩٠٧ گەرانلوغ، ئەرمینیا |
| مردن | ١٩٩٠ ئەرمینیا |
| پیشە | نووسەر، کەسایەتی گشتی |
| زمان | کوردی، ئەرمەنی، ڕووسی |
| نەتەوە | ئەرمەنی |
| دەرچووی زانکۆی | یەریڤانی حکومی |
| بابەت | مێژوو |
| ھاوسەر | ئێما ماخمەدۆڤ |
| مناڵەکان | سەڵاحەدین ماخمەدۆڤ، دۆلۆرەس ماخمەدۆڤ، دۆنارا ماخمەدۆڤ |
نادۆ خدۆی ماخمەدۆڤ (بە ئەرمەنی: Նադո Խդոի Մախմուդով؛ ١٩٠٧‒١٩٩٠)یان مەخمودۆڤ، نووسەر و کەسایەتی گشتی کوردی یەکێتیی سۆڤیەت بوو.[١][٢]
سەرەتای ژیان
[دەستکاری]نادۆ ماخمەدۆڤ لە ١ی کانوونی دووەمی ١٩٠٧ لە گوندی گەرانلوغ لە ئەرمینیا لەدایکبووە. دایکی لە بنەماڵەیەکی خاوەن زەویی دەوڵەمەندی کورد کە بە بەگزادە ناسراو بوون، لە دایکبووە؛ بەڵام بەھۆی نەخۆشییەکەوە کە ڕوخساری شێواندووە، ناچار بووە ھاوسەرگیری لەگەڵ شوانێک بکات، بە ناوی خدۆ. دوای لەدەستدانی باوکی لە تەمەنی ١٠ ساڵیدا، نادۆ دەبێتە جێگرەوەی باوکی، و پیشەی شوانی دەکات بۆ ئەوەی بژێوی ژیانی دایکی و خوشکە بچووکەکەی دابین بکات، لە ئەنجامدا منداڵییەکی سەختی دەبێت.
لەکاتێکدا خەونی نادۆ ئەوە بوو کە ببێت بە کەسێکی خوێندەوار، بەڵام لەبری ئەوە ناچار بوو بەیانی تا شەو چاودێری ئاژەڵەکانی بکات و لە ماڵی خاوەن زەوییەکی دەوڵەمەنددا کار بکات. لە بەرامبەر کار و نییەتی باشییەوە، نادۆ ڕێگەی پێدرا لە کاتی وانە تایبەتەکانی کوڕی خاوەن زەوییەکەدا لە گۆشەی ژوورەکەدا دابنیشێت، و فێر ببێت. بەم شێوەیە نادۆ فێری خوێندنەوە و نووسین بوو.[٣]
لە دوای شۆڕشی ڕووسیادا، بڕیارێک دەرچوو دەربارەی ئەوەی «ھەرچی گەنج و منداڵێکی بە توانای گەلەکەمان دەتوانن خوێندنی خۆڕایی بەدەست بھێنن»، جا کورد بێت یان ئەرمەنی، خوێندنێکی بێ بەرامبەر وەردەگرێت.[٤] ماخمەدۆڤ ئەندامێکی چالاک بوو لە ڕێکخراوێکی گەنجانی کرێکاردا، بۆیە دەرفەتی خوێندنی لە ئەلێکساندرۆپۆل (ئێستا گیومری) لە قوتابخانەی باڵای کۆمۆنیستەکان وەرگرت. نادۆ جگە لە خوێندنی حزبی، خوێندنی بەشی مێژووی زانکۆی یەریڤانی حکومی تەواو کردووە.[٥][٦]
کتێبەکانی
[دەستکاری]- مێژووی گەلی کورد، یەریڤان ١٩٥٩. (بە زمانی ئەرمەنی)[٧]
- چیرۆکەکان، یەریڤان ١٩٦٤. (بە کوردی)
- دواژۆی بچووک، یەریڤان ١٩٦٥. (بە زمانی ئەرمەنی)[٨]
- دڵی پارتریج، یەریڤان ١٩٦٨. (بە زمانی ئەرمەنی)
- گفتووگۆی ڕووبارەکان، یەریڤان ١٩٧٠. (بە کوردی)
- خانووە کوژاوەکان (Marats Ojakhnere Tskhatsin)، یەریڤان ١٩٧١. (بە زمانی ئەرمەنی)[٩]
- دواژۆی بچووک، مۆسکۆ ١٩٧٤. (لە ڕووسیا)
- لە شوێنە ڕەسەنەکان، یەریڤان ١٩٧٨. (بە زمانی ئەرمەنی)[١٠]
- کۆبوونەوە لەبیرنەکراوەکان، یەریڤان ١٩٨٧. (بە زمانی ئەرمەنی)
- بەھار، تەمور خەلیل لەگەڵ نادۆ ماخمەدۆڤ، یەریڤان ١٩٨٩.
سەرچاوەکان
[دەستکاری]- ^ «KURDISH WORKS in ARMENIAN LANGUAGE». www.saradistribution.com. لە ٢٨ی کانوونی یەکەمی ٢٠٢٣ ھێنراوە.
- ^ «Надо Махмудов - Nado Makhmudov». ru.wikibrief.org. لە ٢٨ی کانوونی یەکەمی ٢٠٢٣ ھێنراوە.
- ^ «Nado Makhmudov Biography, Age, Height, Wife, Net Worth and Family». Celebrity Age Wiki (بە ئینگلیزی). لە ٢٨ی کانوونی یەکەمی ٢٠٢٣ ھێنراوە.
- ^ Isma، Amy. «LibGuides: Russian Revolution 1917-1927 Historical Inquiry: Bolshevik & Education». materchristi.libguides.com (بە ئینگلیزی). لە ٢٨ی کانوونی یەکەمی ٢٠٢٣ ھێنراوە.
- ^ Hayastani krtakan azgayin khorhrdi pashtonatere, 02.02.2009
- ^ Behrent، Megan. «Education, literacy, and the Russian Revolution | International Socialist Review». isreview.org (بە ئینگلیزی). لە ٢٨ی کانوونی یەکەمی ٢٠٢٣ ھێنراوە.
- ^ «Kurdish Works In Armenian Language». Saradistribution.com. لە ١٥ی تشرینی دووەمی ٢٠١٢ ھێنراوە.
- ^ «HOLLIS». Discovery.lib.harvard.edu. لە ١٥ی تشرینی دووەمی ٢٠١٢ ھێنراوە.[بەستەری مردوو]
- ^ Marats ojakhnere tskhatsin / Nado Makhmudov | National Library of Australia. Catalogue.nla.gov.au. 1971. لە 2012-11-15 ھێنراوە.
- ^ Makhmudov، Nado (1978). Հարազատ վայրերում.
