محەممەد موکری (نووسەری باشوور)

ئەم وتارە سەبارەت بە نووسەرەکەی باشووری کوردستان نووسراوە. بۆ نووسەرەکەی ڕۆژھەڵاتی کوردستان، بڕوانە محەممەد موکری.

محەممەد موکری (١٩٤٥ – ٥/٦ی ئایاری ٢٠١٢ا) ڕۆماننوس و وەرگێڕ و شانۆنامەنووس و شۆڕشگێڕی کورد بوو.

ژیان

لە ساڵی ١٩٤٣دا لە گەڕەکی قەڵای کەرکووک لە دایک بووە، خوێندنی دواناوەندی تەواو کردووە و ماوەی ٩ ساڵیش پێشمەرگەی یەکێتیی نیشتمانیی کوردستان بووە لە شاخ.

لەسەرەتای کارکردنی لە بواری ئەدەب و ڕاگەیاندندا، وەک ڕۆژنامەنووس کاری کردووە، پاشان وەک چیرۆکنووس ھاتۆتە مەیدانەکە و چەندین چیرۆکی نووسیوە، زیاتر لە چوار ڕۆمانی ھەیە و جێدەستیشی وەک ڕۆژنامەنووسێک دیار بووە.

محەممەد موکری چەندین گۆشە و وتاریشی لە ڕۆژنامەکاندا بڵاوکردۆتەوە، ماوەی ٤٠ ساڵیش سەرقاڵی نووسین بووە لە بوارە جۆراوجۆرەکاندا.

خەباتی سیاسیشی بەردەوام بووە و ماوەی ١٥ ساڵە لە شاری سلێمانی ژیا، موکری خێزاندار بوو و خاوەنی چوار کوڕ و کچێک بوو، دواکاریشی سەرقاڵی نووسینی ڕۆمانێک بووە، بەڵام مەرگ ڕێگەی نەدا و لە شەوی ٤/٥-٥-٢٠١٢ لە شاری سلێمانی بە نەخۆشیی دڵ کۆچی دوایی کرد.

بەرھەمەکان

موکری لە شاخ ڕۆمانێکی بەناونیشانی «سەگوەڕ» بڵاوکردۆتەوە، کە یەکەمین ڕۆمانی کوردی بووە کە بە زمانی ڕەخنە لەسەر شۆڕش نووسراوە.

• سەگوەڕ
• تۆڵە

سەرچاوەکان

• مەراسیمێکی ڕێزلێنان بۆ محەممەد موکری ساز دەکرێت، تۆڕی میدیایی خەڵک