قوتب منار
قوتب منار یان منارەی قوتب یەکێکە لەتەلارەکانی قوتب کۆمپلێکس. قوتب منار یەکێکە لە شوێنەوەرارە جیھانییەکانی ڕێکخراوی یوونێسکۆ کە دەکەوێتە ناوچەی مێراولی، شاری دێلھی لە ھیندستان.[١][٢] بەرزی قوتب منار ٧٢ مەترە (یان؛ ٢٣٩٫٥ پێ). قوتب مینار لە پێنج چین پێکدێت.[٣] لەناوەوەیدا ٣٧٩ پەیژەی تێدایە. دیزاین و بیرۆکەی منارەکە لە منارەی جام ھاتووە کەدەکەوێتە ڕۆژئاوای ئەفغانستانو خودی قوتب مناریش بووە ئیلھامێک بۆ درووستکردنی منارەی دیکە لەھیندستان لەوانە چاند منار و مینی قوتب منار (قوتب مناری بچووک).[٤]
درووستکردن[دەستکاری]
قوتبەدین ئەبیک کە دامەزرێنەری سەڵتەنەی دێلھی بوو، لەساڵی ١١٩٢ دەستیکرد بە درووستکردنی چینی یەکەمی قوتب منار. دواتر کوڕە جێنشینەکەی ئەبیک کەناوی شەمسەددین ئلتوتمیشبوو بەردەوامی دا لەبنیاتنانی منارەکە و ئەویش توانی سێ چینی دیکە بۆمنارەکە درووستبکا لەساڵی ١٣٦٩. دواتر بەھۆی برووسکەیەکەوە منارەکە زیانی پێکەوتووە و فەریووز شا توغلق دەستیکرد بەنۆژەنکردنەوەی وەھەروەھا چینێکی دیکەی بۆ زیادکرد. شێر شا سوری ئەویش دەروازەی چوونەژوورەوەی بۆ قوتب منار درووستکردووە.[٥]
ژێدەرەکان[دەستکاری]
- ^ "WHC list". who.unesco.org. 2009. Retrieved 27 October 2011.
- ^ Singh (2010). Longman History & Civics ICSE 7. Pearson Education India. p. ٤٢. ISBN 978-81-317-2887-1. Retrieved 27 October 2011.
- ^ "Qutb Minar Height". qutubminardelhi.com. Archived from the original on 29 June 2015. Retrieved 15 June 2015. ٢٩ی حوزەیرانی ٢٠١٥ لە وەیبەک مەشین، ئەرشیڤ کراوە.
- ^ "The Copies of the Quṭb Mīnār". jstor.org. Retrieved 21 September 2018.
- ^ "Qutub Minar". qutubminardelhi.com. Archived from the original on 22 June 2015. Retrieved 15 June 2015. ٢٢ی حوزەیرانی ٢٠١٥ لە وەیبەک مەشین، ئەرشیڤ کراوە.
