شەریف باجوەر

لە ئینسایکڵۆپیدیای ئازادی ویکیپیدیاوە
Jump to navigation Jump to search

شەریف باجوەر (لەدایکبوون: ١٩٧١[١] و مردن: ٢٥ی ئابی ٢٠١٨) چالاکی مەدەنی و ژینگەیی خەڵکی مەریوان و ئەندامی ئەنجومەنی سەوزی چیا بوو. شەریف ڕۆڵێکی گرنگی لە پاراستنی ژینگەی ڕۆژھەڵاتی کوردستان و بەفەرھەنگ کردنی ژینگەپارێزیدا ھەبوو.[٢][٣] لە ڕۆژی ٢٥ی ئابی ساڵی ٢٠١٨دا لەکاتی کوژانەوەی ئاگری دارستانەکانی مەریواندا گیانی لەدەست دا.[٤]

مردن[دەستکاری]

شەریف باجوەر لە ڕۆژی ٢٥ی ئابی ٢٠١٨دا، لە کاتێکدا کە لەگەڵ ھاوکارەکانیدا خەریکی کوژانەوەی ئاگرێک لە دارستانەکانی مەریواندا بوون، گیانی لە دەست دا. ئاگرەکە کە لە دارستانەکانی ئاوایی پێلەوە دەستی پێکردبوو، نزیکەی ٤٠ ھەکتار لە جەنگەڵەکانی مەریوانی سووتاند. دەربارەی ھۆکاری گیان لەدەست دانی شەریف و ھاوڕێکانی مشت و مڕ ھەیە.[٥] لە کاتێکدا کە بڕێک لە سەرچاوەکان ئاگر و دووکەڵەکەیان بە ھۆکاری مەرگیان لە قەڵەم دا،[٣][٥] زۆرێک لە سەرچاوە حکوومی و ناحکوومییەکان کوژرانی ئەو چەن کەسەیان بە ھۆی تەقینەوەیەکەوە زانی[٤][٦][٧]. دوابەدوای مردنی شەریف و ئەو چەن چالاکوانە خەڵکی مەریوان لە ڕێپێوانێکدا خوازیاری ڕوونبوونەوەی ھۆکاری مەرگی ئەو چالاکوانانە و ھەروەھا ئاگرگرتنی دارستانەکانی کوردستان بوون.[٤][٦][٧] ھەروەھا ڕۆژێک پرسەی گشتی لەلایەن بەرپرسانی شاری مەریوانەوە ڕاگەیەنرا.[٨]

سەرچاوەکان[دەستکاری]