شۆڕەبی

لە ئینسایکڵۆپیدیای ئازادی ویکیپیدیاوە
Jump to navigation Jump to search
وێنەی شۆڕەبی

شۆڕەبی یا شەنگەبی (بە لاتین: Salix babylonica) جۆرێک بییە کە لە ئاسیا و ئەورووپادا دەڕوێت. ئەم دارە لە ئەسڵدا لە باکووری چیندا گەورە بووە،[١] بەڵام دواتر گەشتووەتە شوێنەکانی دیکەی ئاسیا و ئەورووپا. ئەم دارە بێبەرە بە زۆری لە سەیرانگا و پارکەکاندا دەنێژرێت.[٢]

ناو[دەستکاری]

ناوی دارەکە، واتە شۆڕەبی و شەنگەبی، لە پەلە شۆڕبووەوەکانییەوە وەرگیراوە. لانیکەم لە سەدەی نۆزدە و بیستەمەوە وشەکە لە کوردیدا باو بووە. بۆ نموونە حەمدی[٣] لە شیعرێکدا دەڵێت:

لەسەردا پرچەکانی شۆڕەبی کەوتۆتە داوێنیلە تەھلیلەی بەھارا بۆتە دەروێشانی بەکتاشی

یا حاجی قادری کۆیی[٤] دەڵێت:

شنەی نەسیمە سەدای ئاوی سافی سەر قەڵبەزبە ورشەورشی گیا شەنگەبی بووە شەیدا

سەرچاوەکان[دەستکاری]