سەروەر عەبدوڵڵا

سەروەر عەبدولڕەحمان عەبدوڵڵا (لەدایکبووی ١ی ١١ی ١٩٦٧ لە ھەولێر - ) نووسەر، ڕەخنەکار و وەرگێڕ و مامۆستای زانکۆ لە پسپۆڕی فەلسەفەی ڕەخنەی ئەدەبیدا.

ژیان

سەروەر عەبدولڕەحمان عەبدوڵڵا لە ١ی ١١ی ١٩٦٧ لە ھەولێر لە دایک بوو. خوێندنی سەرەتایی و ناوەندی و دواناوەندی لە ھەولێر تەواو کردووە، ساڵی ١٩٩٢ بیکالۆریۆسی لە زانکۆی موسڵ لە کۆلێژی ئەدەبیات، بەشی زمانی عەرەبی تەواو کردووە، لە ساڵی ١٩٩٤ ماستەری لە پسپۆڕی ڕەخنەی ئەدەبیدا لە زانکۆی سەلاحەدین ، بەشی زمانی عەرەبی تەواو کردووە، لە ساڵی ١٩٩٦ دکتۆرای لە فەلسەفەی ئەدەب - پسپۆڕی ڕەخنەی گشتی - لە زانکۆی بەغدا کۆلێژی پەروەردەی یەکەم، بەشی زمانی عەرەبی تەواو کردووە. زۆرینەی بەرھەم و پڕاکتیزەی کارەکانی لە بواری ڕەخنە و ئەدەبی تازەی کوردیدا دەخولێتەوە. لە پاڵ ئەمانەشدا چەندین کاری وەرگێڕانی لە زمانەکانی ئەڵمانی و تورکی و عەرەبییەوە بۆ زمانی کوردی ھەیە.

بەرھەمەکان

• لێرە لە سەر ڕووی ئەم زەمینە، (وەرگێڕان)، ٢٠٠٢
• بزووتنەوەی تازەگەری لە شیعری کوردیدا، ٢٠١٣
• ئەبیستیمولۆژیای شیعریی کوردی، ٢٠١٣
• دانپیدانان بە شەرمەزاریم،(وەرگێران)، ٢٠١٤