ستیڤن لانگ

ستیڤن لانگ (بە ئینگلیزی: Stephen Lang، لەدایکبووی ١١ی تەمموزی ١٩٥٢) ئەکتەرێکی ئەمریکییە. بەشداری لە چەندین فیلمدا کردووە، لەنێوانیاندا: دوژمنانی گەل، ھەناسە مەدە، پیاوی ڕاوکەر. لە دەرەوەی ئەم ڕۆڵانە، کارێکی بەرفراوانی لە Broadway ھەبووە، و ھەروەھا خەڵاتی تۆنی وەرگرتووە بەھۆی ڕۆڵی لە بەرھەمی فیلمی خێرایی تاریکی لە ساڵی ١٩٩٢. هەروەها بەشداری دوو فیلمی گەورە و پڕ داهاترین کردووە، ئەوانیش فیلمەکانی ئەڤەتار (فیلمی ٢٠٠٩)، ئەڤەتار: ڕێگەی ئاو. لانگ لە شاری نیویۆرک لەدایکبووە، دایکی لانگ کاسۆلیکی بە ڕەچەڵەک ئەڵمانی و ئێرلەندی بوو، باوکی جولەکە بوو. باپیرە و داپیرەی لانگ لە لای باوکییەوە کۆچبەری جوولەکە بوون لە ھەنگاریا و ڕووسیا. دوو خوشک و برا گەورەی ھەیە- جین، پارێزەر و چالاکوان، و دەیڤد، کە وەک کارگێڕێک لە کۆمپانیای REFAC کاری کردووە، ئەو کۆمپانیایە کە باوکیان لە ساڵی ١٩٥٢ دایمەزراندووە.