گەردوونی فراوانکراوی دی سی

گەردوونی فراوانکراوی دی سی یان جیھانی دی سیی فراوانکراو (بە ئینگلیزی: DC Extended Universe و کورت دەکرێتەوە بۆ: DCEU) نیشانەیەکی ڕاگەیاندنی بازرگانیی ئەمریکییە و جیھانێکی خەیاڵیی ھاوبەشە کە تێیدا فیلمەکانی سوپەر پاڵەوانەکان کۆ دەبێتەوە، بەرھەم ھێنراوە لەلایەن وارنەر برەدەرز، کە ئەویش بریتییە لە کۆمەڵێک کەسایەتی لە بڵاوکراوەکانی کۆمیکەکانی دی سیدا دەرکەوتووە. جیھانێکی ھاوبەش، وەک جیھانی دی سی ڕاستەقینەی ناو کتێبە نەخشێندراوەکان، کە بەھۆی یەکگرتنی تووخمەکانی چیرۆکێکی ھاوبەش، و تیمی ڕۆڵگێڕان، و کەسایەتییەکان دروست دەکرێت.

فیلمەکان

یەکەم فیلم لە گەردوونی درێژکراوەی دی سی بریتی بوو لە پیاوی پۆڵا (٢٠١٣)، لەسەر شێوەی ڕیبۆت بۆ زنجیرە فیلمەکانی سووپەرمان، و بە دوایدا باتمان دژی سوپەرمان: کازیوەی دادپەروەری (٢٠١٦) ھات. پاشان دەستەی خۆکوژی (٢٠١٦)، کە بە دوایدا ژنی سەرسورھێنەر (٢٠١٧) ھات پاشان فیلمی دەستەی دادپەروەری (٢٠١٧) و چەند فیلمێکی تر، ھەموو فیلمەکان لەلایەن کۆمپانیای وارنەر برۆس بڵاو دەکرێتەوە.

ئەو فیلمانەی تا ئێستا بڵاوبوونەتەوە

• پیاوی پۆڵا (٢٠١٣)
• باتمان دژی سۆپەرمان: کازیوەی دادپەروەری (٢٠١٦)
• دەستەی خۆکوژی (٢٠١٦)
• ژنی سەرسورھێنەر (٢٠١٧)
• یەکگرتنی دادپەروەری (٢٠١٧)
• ئەکوامان (٢٠١٨)
• شەزام (٢٠١٩)
• باڵندە نێچیرەکان: ڕزگارکردنێکی نائاساییی ھارلی کوین (٢٠٢٠)
• ژنی سەرسوڕھێنەر ١٩٨٤ (٢٠٢٠)
• چاپی دەرھێنەری (دەستەی دادپەروەری) بە ناوی (Zack Snyder's Justice League) لە ڕێکەوتی (١٨ی ئازاری ٢٠٢١) لە تۆڕی (HBO MAX)

ئەو فیلمانەی کە لە داھاتوودا بڵاودەبنەوە

• (باتمان-The Batman) وابڕیار بوو کە لە ڕێکەوتی (٢٥ی حوزەیرانی ٢٠٢١) بڵاوببێتەوە بەڵام بەھۆی ڤایرۆسی کۆرۆنا(COVID-19) دواخرا بۆ ڕێکەوتی (٤ی ئازاری ٢٠٢٢)
• (دەستەی خۆکوژییەکە-The Suicide Squad) ڕێکەوتی (٦ی ئابی ٢٠٢١)
• (بلاک ئادەم-Black Adam) وابڕیار بوو کە لە ڕێکەوتی (٢٢ی کانوونی یەکەمی ٢٠٢١) بڵاوببێتەوە بەڵام بەھۆی ڤایرۆسی کۆرۆنا دواخراوە بۆ (٢٩ـی تەموزی ٢٠٢٢)
• (شەزام: توڕەیی خوداکان- Shazam: Fury Of Gods) ڕێکەوتی (٢ی حوزەیرانی ٢٠٢٣)
• (فلاش-The Flash) ڕێکەوتی (٤ی تشرینی دووەمی ٢٠٢٢)
• (بەشی دووەمی ئەکوامان-Aquaman Sequel) ڕێکەوتی (١٦ی کانوونی یەکەمی ٢٠٢٢)

کاردانەوەکان

سێ فیلمەکەی سەرەتای کۆمپانیای دی سی جێگەی ڕەزامەندی ڕەخنەگران نەبوون، بۆیە دوای سەرکەوتنی وندەر وومان، ڕاگەیانرا کەوا جۆس ویدن ڕۆڵێکی بەرچاوتری دەبێت لەسەر فیلمەکانی داھاتوودا.