تەفسیری ڕامان
تەفسیری ڕامان لە ماناو مەبەستی قورئان یەکێکە لە تەفسیرە کوردییەکانی قورئان لە نووسینی ئەحمەد کاکە مەحموود.[١] لە ساڵی ١٩٩٢ دەستی بە نووسینی کردووە، و ساڵی ٢٠٠٥ لە نووسینی بووەتەوە. بۆ یەکەم جار لە ساڵی ٢٠٠٧ چاپ کراوە،[٢] و تاوەکو ساڵی ٢٠٢٠ شەش جار و بە تیراژی ھەژدە ھەزار دانە چاپکراوە. لەلایەن عیرفان ئەحمەد کاکە مەحموودەوە پێداچوونەوە و وردبینی بۆ کراوە، و ھەروەھا لێکۆڵینەوەی بۆ فەرموودەکانی ناو تەفسیرەکە کردووە.[٣][٤]
تایبەتمەندییەکان
[دەستکاری]- لە پێشەکی تەفسیرەکەدا چەند زانیارییەکی دەربارەی قورئان باس کردووە، لە ڕونکردنەوەی زانستی تەفسیر، و سووڕەتە مەککییەکان و سووڕەتە مەدەنییەکان، و ژمارەی ئایەتەکانی قورئان و وشەکانی و پیتەکانی، لەگەڵ باسی کورتەیەک لە مێژووی تەفسیر، و جۆرەکانی تەفسیر.
- لەسەرەتای ھەر سووڕەتێک کورتە باسێکی سووڕەتە کەی کردووە، وەک ئەوەی سووڕەتەکە بەزۆری باسی چ بابەتێک دەکات، و ھەروەھا باسی ھۆکاری ھاتنە خوارەوەی سووڕەتەکەی کردووە ئەگەر ھەبێت.
- تەفسیری قورئانی بە قورئان کردووە، دواتر تەفسیری قورئانی بە فەرموودە کردووە، و پاشان تەفسیری قورئانی بە قسەی ھاوەڵان و شوێنکەوتووان و زانایانی تەفسیر کردووە.
- خۆی دوورگرتووە لە باسکردنی ئیسرائیلیات و ئەو بەسەرھاتە بێ بنەمایانەی کە لە تەفسیرەکاندا باسکراون.[٥]
- لە بابەتی ئەسما و سیفاتەکان شوێنکەوتووی پێشینە چاکەکان (زانایانی سەدەی یەکەم) بووە.
سەرچاوەکان
[دەستکاری]- ↑ مامۆستا مەلا ئەحمەد کاکە مەحموود پوختەیەک لە ژیاننامە و بەرھەم و تێکۆشانی. عیرفان ئەحمەد کاکە مەحموود. ناوەندی سارا. ٢٠٠٧. لاپەڕە ١١٧
- ↑ «پێناسەی ڕامان || مامۆستا مەلا ئەحمەد کاکە مەحمود». ahmadkaka.org. لە ڕەسەنەکە لە ٥ی ئایاری ٢٠٢١ ئەرشیڤ کراوە. لە ٥ی ئایاری ٢٠٢١ ھێنراوە.
- ↑ مێژووی زانایانی کورد. مەلا تاھیر مەلا عەبدوڵڵا بەحرکەیی. نووسینگەی تەفسیر. ٢٠١٦. بەرگی یەکەم. لاپەڕە ١٨٢_١٨٣
- ↑ «You are being redirected...». astane.org. لە ٥ی ئایاری ٢٠٢١ ھێنراوە.[بەستەری مردوو]
- ↑ کوردیپێدیا، Kurdipedia-. «تەفسیری رامان». Kurdipedia.org. لە ٥ی ئایاری ٢٠٢١ ھێنراوە.
