بۆریس پاستێرناک

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان

بۆریس پاستێرناک یان بۆریس لیونیدۆڤیتش پاستێرناک(١٠ی شوباتی ١٨٩٠ - ٣٠ی ئایاری ١٩٦٠) لەمۆسکۆ لەدایکبووە، نووسەر و شاعیرێکی ڕوسی بووە، باوکی جولەکە بووە و وێنەکێشێکی بەتواناش بووە، دایکیشی پیانۆ ژەنێکی بەناوبانگ بووە، ھەر بۆیە لە کەشتوھەوایەکی ھونەریدا پەروەردەکراوە، لەساڵی ١٩١٠ چۆتە کۆنسرفتوار و دواتر لە زانکۆی ماربۆرگ فەلسەفەی خوێندووە بەڵام ڕازی نەبووە وانەی فەلسەفە بلێتەوە و لەساڵی ١٩١٤ وازی لە زانکۆ ھێناوە و یەکەم دیوانی خۆی بەچاپ گەیاندووە.

لەماوەی جەنگی جیھانی یەکەمدا باسترناک لەتاقیگەیەکی کیمیاوی لە ئۆڕاڵ خوێندوێتی، لەساڵی ١٩٣٢ ڕێچگەی ئەدەبی خۆی لەبنەڕەتەوە گۆڕیوە و ھاوسەنگیکردووە لەگەڵ بیروباوەڕی سۆڤێتی نوێ‌، لە کۆتایی سیەکاندا دەستی کردووە بە وەرگێڕانی شیعری جیھانی بۆ زمانی ڕوسی، پێش ھەڵگیرساندنی جەنگی جیھانی دووەم بە چەەند ساڵیک باسترناک و ھاوسەرەکەی لەگوندێکی بچوکدا جێگیربوون کە پێکھاتبوو لە کۆمەڵێک نووسەر و ڕۆشنبیر لێرەشەوە دەستی کردووە بەشیعر نووسین و سەرکەوتنێکی باشی بەدەستھێناوە.

باسترناک چیرۆکێکی نووسیوە بەناوی دکتۆر جیفاڤۆ کە ڕەخنەی لە ڕژێمی شیوعی دەگرت ھەر بۆیە کەس ڕازی نەبووە بۆی بڵاوبکاتەوە ئەویش ھەڵھاتووە بۆ ئیتاڵیا و لەساڵی ١٩٥٧ چیرۆکەکەی بڵاوکردۆتەوە کە بۆیە مایەی نیگەرانی بۆ سۆڤێت و مایەی خۆشحاڵی بۆ ڕۆژئاوا، لەساڵی ١٩٥٨ خەڵاتی نۆبڵیان بۆ ئاداب پێبەخشیوە بەڵام ڕەتیکردۆتەوە و خەڵاتەکەی وەرنەگرتووە.

بۆریس باسترناک لە ٣٠ مایۆی ساڵی ١٩٦٠ لەتەمەنی ٧٠ ساڵیدا کۆچی دوایی کردووە.

سەرچاوە[دەستکاری]

  • ویکیپیدیای عەرەبی.