ئەلیسۆن فێلیکس
| ئەلیسۆن فێلیکس | |
|---|---|
| بە ئینگلیزی: Allyson Michelle Felix | |
 | |
| لەدایکبوون | ١٨ی تشرینی دووەمی ١٩٨٥ لۆس ئانجلەس، ویلایەتە یەکگرتووەکانی ئەمریکا |
| وڵاتی وەرزش | ویلایەتە یەکگرتووەکانی ئەمریکا |
| ناوی کاتی لەدایکبوون | Allyson Michelle Felix |
| پیشە | sprinter، athletics competitor |
| پەروەردە | زانکۆی باشووری کالیفۆرنیا، Los Angeles Baptist High School |
| دانیشتووی | سانتا کلارێتا |
| وەرزش | athletics |
| ڕووداوی وەرزشی | 100 metres، 200 metres، 400 metres |
| خەڵاتەکان | تایم ١٠٠، Women of the Year |
| وێبگە | https://www.allysonfelix.com/ |
ئەلیسۆن میشێل فێلیکس (لەدایکبووی ١٨ی تشرینی دووەمی ١٩٨٥)[١] وەرزشوانێکی خانەنشینکراوی گۆڕەپان و مەیدانی ئەمریکییە لە پێشبڕکێکانی ١٠٠ مەتر و ٢٠٠ مەتر و ٤٠٠ مەتردا. لە ساڵی ٢٠٠٣ تا ٢٠١٣ یاریزانی ٢٠٠ مەتر بووە، دواتر گۆڕاوە بۆ ٤٠٠ مەتر.[٢] لە ٢٠٠ مەتردا، فیلیکس پاڵەوانی ئۆڵۆمپیادی ٢٠١٢ یە، سێجار براوەی پاڵەوانێتی گۆڕەپان و مەیدانی جیھانییە (٢٠٠٥ – ٢٠٠٩)، دوو جار براوەی میدالیای زیو لە ئۆڵۆمپیاد (٢٠٠٤ و ٢٠٠٨)، و براوەی میدالیای برۆنزی جیھانییە لە ساڵی ٢٠١١. لە ٤٠٠ مەتردا پاڵەوانی جیھانی ٢٠١٥ و میدالیای زیوی جیھانی ٢٠١١ و میدالیای زیوی ئۆڵۆمپیادی ٢٠١٦ و میدالیای برۆنزی جیھانی ٢٠١٧ و میدالیای برۆنزی ئۆڵۆمپیادی ٢٠٢٠. لە مەودای کورتدا، فێلیکس دە جار بووەتە براوەی پاڵەوانێتی نیشتمانی گۆڕەپان و مەیدانی ئەمریکا (٢٠٠٤, ٢٠٠٥, ٢٠٠٧ – ٢٠١٢, ٢٠١٥ و ٢٠١٦).
فیلیکس ڕۆڵێکی سەرەکی بینی لە تیپەکانی ڕیلەی ژنانی ئەمریکا، شەش مەدالیای زێڕی ئۆڵۆمپیادی بەدەستھێنا: چوار میدالیای لەسەریەک لە ٤ × ٤٠٠ مەتر (٢٠٠٨، ٢٠١٢، ٢٠١٦، و ٢٠٢٠) و دوو میدالیای ٤ × ١٠٠ مەتر (٢٠١٢ و ٢٠١٦). تیمەکانی ئۆڵۆمپیادی ئەمریکا لە ساڵانی ٢٠١٢ و ٢٠١٦ لە ٤ × ١٠٠ م ڕیکۆردێکی جیھانییان تۆمارکرد کە ٤٠٫٨٢ چرکە و دووەم خێراترین کاتیان بە ٤١٫٠١ چرکە تۆمارکرد. بەم شەش زێڕە لە یارییەکانی ڕیلەی و یەکێکیش لە ڕووداوێکی تاکەکەسی، فێلیکس بووە یەکەم وەرزشکاری مێینە کە تا ئێستا حەوت مەدالیای زێڕی ئۆڵۆمپیادی بەدەستھێنابێت.[٣] ھەروەھا دیارترین وةرزشوانی طؤرِةثان و مةیدانی ژنە لە مێژووی یارییەکانی ئۆڵۆمپیاد و ئةمریکا لە مێژووی ئۆڵۆمپیاددا، کە کۆی گشتی ١١ مةدالیای لە پێنج یارییە ئۆڵۆمپیادةکانی یەک لە دوای یەکدا بەدەستھێناوە.[٤] فێلیکس دیارترین وەرزشوانە، نێر یان مێ، لە مێژووی پاڵەوانێتییەکانی گۆرەپان و مەیدانی جیھانیدا بە ٢٠ مەدالیا، ٧ مەدالیا لە پێشبڕکێی تاکەکەسی و ١٣ لە یارییە تیمییەکان.[٥] بە کۆی گشتی ئۆڵۆمپیاد و پاڵەوانێتی گۆرەپان و مەیدان کە بەشداریکردوە ٣١ مەدالیای بەدەستھێناوە.[٦]لە ١٠٠ کاریگەرترین کەسانی ساڵی ٢٠٢٠ و ٢٠٢١ی گۆڤاری تایم بەشداربووە. لە ساڵی ٢٠٢٢، فێلیکس بڕوانامەی دکتۆرای فەخری لە نامە مرۆیییەکان لە زانکۆی باشووری کالیفۆرنیا وەرگرت و ھەروەھا وەک وتاردەری دەستپێکردنی خوێندن بۆ ئاھەنگی دەرچوونی ئەو ساڵە کاری کردووە.[٧] لە مانگی تەممووزی ٢٠٢٤، فێلیکس لە پلەی ٦٣ی لیستی ١٠٠ گەورەترین وەرزشکاری سەدەی بیست و یەکەمی کەناڵی ESPN جێگیرکرا.[٨]ھاوسەرگیری کردووە. خاوەنی کچێکە، لەدایکبووی ساڵی ٢٠١٨، کوڕێکیان ھەیە، لەدایکبووی ساڵی ٢٠٢٤.[٩][١٠][١١] فیلیکس مەسیحییە.[١٢]
سەرچاوەکان
[دەستکاری]- ^ "Athlete Bio: Allyson Felix". USA Track & Field. Retrieved 7 September 2021. ٧ی ئایاری ٢٠٢٣ لە وەیبەک مەشین، ئەرشیڤ کراوە.
- ^ "Allyson Felix". Team USA. Retrieved 7 September 2021.
- ^ "Allyson Felix by the numbers". Olympics. Archived from the original on August 14, 2021. Retrieved 7 September 2021.
- ^ "Felix most decorated in U.S. track with relay gold". ESPN.com. 2021-08-07. Retrieved 2021-08-07.
- ^ "Phyllis Francis Shocks Shaunae Miller-Uibo, Allyson Felix in World 400 Win". FloTrack. Retrieved August 9, 2017.
- ^ Larsson, Peter. "All-time Women's 4x400m relay". Track and Field All-time Performances. Retrieved 23 May 2022.
- ^ "2022 Honorary Degree Recipients". USC Commencement. Retrieved 22 May 2022.
- ^ https://www.espn.com/espn/story/_/id/40446224/top-100-athletes-21st-century
- ^ Shelburne, Ramona (December 20, 2018). "Allyson Felix on pregnancy and motherhood: 'Only so much of this you can predict, much less control'". ESPN W. Retrieved May 28, 2019.
- ^ "Allyson Felix: World Athletics Championships record-breaker on life-changing year". BBC. October 7, 2019.
- ^ Maine, D'Arcy (April 19, 2024). "Allyson Felix grateful after healthy birth of second child". ESPN. Retrieved May 1, 2024.
- ^ Ackerman, Jon. "Allyson Felix becomes most decorated female Olympian ever, thankful for 'God's grace'". Sports Spectrum. Retrieved 7 August 2021.[بەستەری مردوو]
 |
کۆمنزی ویکیمیدیا، میدیای پەیوەندیدار بە ئەلیسۆن فێلیکس تێدایە. |
