ئەبو سولەیمان یونسی کاتیب

لە ئینسایکڵۆپیدیای ئازادی ویکیپیدیاوە
Jump to navigation Jump to search
ئەبو سولەیمان یونس
مەرگ١٣٥ ی کۆچی مانگی
نەتەوەکورد
پیشەنوسەر، شاعیر، موسیقار

ئەبو سولەیمان، یونسی کاتیب، کوڕی سولەیمان، کوری کور، کوری شەهریاری کوردی، نوسەر و شاعیر و موسیقارێکی گەورەی دەورانی خۆی بووە. بابی لە ناوچەیەکی کوردەوارییەوە بەرەوە شاری مەدینە باری کردووە و یونس لەوێ لە دایک بووە و خوێندنی دواتت هێناوە و لە بواری نوسەری و شێعر و شاعیریدا هەڵیداوە و ئیشی دەبیری دیوانی میری مەدینەی پێ سپێراوە. هاوکات ژەندنی ساز و خوێندنی ئاوازی لە لای مامۆستایانی وەک (معبد)و (ابن محرز) خوێندووە و فێریان بووە. سەفەرێکی بۆ شام کردووە و وەلیدی کوڕی یەزید زۆری خۆشویستووە و کە بۆتە فەرمانڕەوا، لە مەدینە هێناویەتیە لای خۆی و تا هەبووە لە پەنای خۆی رایگرتووە و کە کوژراوە[١]، یونس گەڕاوەتەوە مەدینە.

ئەبولفەرەجی ئەسفەهانی، خاوەنی کتێبی (الاغانی)، دەنوسێ: (( یونس دەنگی خۆش بوو، لە هونەر و زانستی موسیقادا نوێکارییەکەی تایبەت بە هۆی بە خۆی هەبوو، شێعری جوانی دەهۆنییەوە و را و بۆچونی لە بواری مۆسیقادا جێی متمانەی هەموان بووە، یەکەم کەسە دەزگاکانی مۆسیقای کردۆتە کتێب و رست و رێسای بۆ داناوە. ئەبولفەرەج کۆچی یەکجاری ئەبوسولەیمانی دەوری ساڵی ١٣٥ی کۆچی مانگی نووسیوە. [٢]

پەراوێز[دەستکاری]

  1. ^ ماوەی دەسەڵاتداری وەلید تاقە ساڵێک بووە(١٢٦-١٢٧ کۆچی مانگی)
  2. ^ مێژووی ناودارانی کورد: بابە شێخ مەردۆخ رۆحانی "شیوا" وەرگێڕانی : ماجد مەردۆخ رۆحانی، بەرگی یەکەم، لاپەڕەی ٥، لە کتێبەکانی ئەکادیمیای کوردی، ھەولێر ، ٢٠١١ ز. چاپی یەکەم

سەرچاوەکان[دەستکاری]

  • مێژووی ناودارانی کورد: بابە شێخ مەردۆخ رۆحانی
  • الاغانی، ابوالفرج اصفهانی، چاپی٦، بەرگی ٤، لاپەرە١١٣-١١٨،
  • الاعلام، زرکلی، بەرگی ٩، لاپەڕەی ٣٤٤،
  • تاریخ ادبیات ایران، جلال همایی، بەرگی ٢، لاپەڕەی ١١٩.

زیاتر[دەستکاری]

  • تاریخ مشاھیر کرد، جلد اول: عرفا، علما، ادبا، شعرا