ئی وەن تاوەر
| ئی وەن تاوەر | |
|---|---|
| زانیاری گشتی | |
| دۆخ | تا بەرزترین نھۆم کارەکانی تەواوکراوە |
| Architectural style | پۆستمۆدێرن |
| ھێڵی درێژی و پانی | 36°10′29.2″N 44°00′21.9″E / 36.174778°N 44.006083°Eپۆتانەکان: 36°10′29.2″N 44°00′21.9″E / 36.174778°N 44.006083°E |
| Construction started | 2019 |
| Estimated completion | 2022 |
| زانیاری تەکنیکی | |
| Structural system | سیستەمی وۆڵ بێرینگ |
| Elevators | 8 |
| Design and construction | |
| Structural engineer | د. بەھمەن تەھا کۆڤان عەزیز |
| Other information | |
| Parking | 400+ |
ئین وەن تاوەر یاخود ئەربیل وەن تاوەر (بە ئینگلیزی:Erbil 1 Tower) ناسراویشە بە زانیاری تاوەر باڵەخانەیەکی ٤٨ نھۆمی ١٨٠ مەترییە کەوا کەوتووەتە شاری ھەولێری پایتەختی ھەرێمی کوردستان.[١] ئەوکاتەی کۆتایی بە کارەکانی باڵەخانەکە دێت، دەبێتە بەرزترین باڵەخانە لەسەر ئاستی عێڕاق. پڕۆژەکە لە دروستکردنی کۆمپانیای کرمانجە بە خاوەندارییەتی سەباح نووری عەلی. ئامانج لە دروستکردنی پڕۆژەکە بۆ گەشەپێدان و بوژاندنەوەی ناوچەکە، ڕەخساندنی ھەلی کار و بەرزکردنەوەی کوالێتی ژیانە لە ناوچەکەدا. باڵەخانەکە لە کۆنکریتی بەھێزکراوەوە دروستکراوە و بڕی کۆنکریتەکە دەکاتە ٤٠٬٠٠٠ مەتری سێجا و لەلایەن کۆمپانیای فەڕەنسی لافارجەوە دابینکراوە کە دابینکەری سەرەکی کۆنکریتە لەسەر ئاستی نێودەوڵەتی.[٢][٣]
ناساندن
[دەستکاری]کارەکانی پڕۆژەکە لە ساڵی ٢٠١٩ دەستیانپێکرد و وابڕیارە لە ساڵی ٢٠٢٢دا تەواو بێت. پڕۆژەکە زیاتر لە ٣٠٠ ھەلی کار دابین دەکات و ئاستی بیناسازی لە ناوچەکەدا پێش دەخات. باڵەخانەکە ٤٦ نھۆمی سەرزەمین و ٢ نھۆمی ژێرزەمینی ھەیە. بەدەر لەوەش، ٤٠٠ شوقە و شوێنی وەستانی ٤٠٠ ئۆتۆمبێلی ھەیە. لەڕووی بەرزکەرەوەشەوە، باڵەخانەکە ٨ بەرزکەرەوە لەخۆدەگرێت لە نھۆمەکانی سەرەتاوە بە خێرایی جیاواز بۆ کەمکردنەوەی ماوەی چاوەڕوانیکردنی بەکارھێنەران.[٤][٥][٦]
نەخشاندن
[دەستکاری]تەلارسازی
[دەستکاری]ئەندازیاری تەلارسازی پڕۆژەکە ڕابەر والی جەبارە کەوا شێوازێکی پۆست-مۆدێرنی بۆ باڵەخانەکە ھەڵبژاردووە. ڕووی پێشەوەی بیناکە بە دیواری پەردەیی شووشەیی داپۆشراوە بۆ ئەوەی نیشتەجێبووان بتوانن تەواوی دیمەنەکانی دەرەوە بەڕوونی ببینن.[٧]
پێکھاتە
[دەستکاری]ئەندازیارییە پێکھاتەیییەکانی پڕؤژەکە بریتین لە د. بەھمەن تەھا و کۆڤان عەزیز، کەوا پێکھاتەی باڵەخانەکەیان بە کۆنکریتی بەھێزکراو نەخشاندووە بە ھاوبەشی لەگەڵ دیواری شیردا. بەھۆی نزیکی شوێنی پڕۆژەکە لە ھێلی بوومەلەرزەی عەرەبی، ناوچەکە لەڕووی لەرزینەوە چالاکە و لە ساڵی ٢٠١٧دا ڕووبەرووی بوومەلەرزەیەک بە ٧٫٢ ڕێختەر ببوویەوە.[٨]ھەروەھا بوونی بایەکی زۆر لەناوچەکە وای کردووە کە لە نەخشەی باڵەخانەکە گرینگییەکی زۆر بە سیستەمی بەرھەڵستی دژی ئەو ھێزانە دراوە.
پێشانگا
[دەستکاری]-
نھۆمی ژمارە ١٥ لە بەرواری ٥ی حوزەیرانی ٢٠٢٠ -
نھۆمی ژمارە ١٥ لە بەرواری ٥ی حوزەیرانی ٢٠٢٠
سەرچاوەکان
[دەستکاری]
- ^ «Erbil 1 Tower». Emporis.com. Retrieved 02 February 2020.
- ^ «الشروع ببناء اعلى برج بالعراق في كوردستانه.». ashourland.net (Arabic) Retrieved 08 July 2020. لە ڕەسەنەکە لە ٢ی تشرینی یەکەمی ٢٠٢٣ ئەرشیڤ کراوە. لە ٥ی نیسانی ٢٠٢٢ ھێنراوە.
- ^ «Zaniary Tower is Recorded as the Tallest Residential Building Complex in Iraq». www.lafarge-iraq.com Retrieved 29 June 2020. ١١ی نیسانی ٢٠١٩.
- ^ «لە هەولێر بەردی بناخەی بەرزترین تاوەر لەسەر ئاستی کوردستان و عێراق دادەنرێت». rudaw.net (Kurdish) Retrieved 08 February 2020.
- ^ «وضع الحجر الاساس في اربيل لاعلى برج على مستوى اقليم كردستان والعراق». ninanews.com (Arabic) Retrieved 08 July 2020.
- ^ «وضع الحجر الأساس لتدشين مشروع زانياري الذي يضم برج E1 الذي من المقرر أن يصبح بعد اكتماله أعلى برج على مستوى إقليم كوردستان والعراق». todaynewsiq.net (Arabic) Retrieved 08 July 2020.
- ^ نيوز، الفرات. «وضع حجر الأساس لأعلى برج في العراق». الفرات نيوز (بە عەرەبی). لە ڕەسەنەکە لە ٢٠ی کانوونی دووەمی ٢٠٢١ ئەرشیڤ کراوە. لە ٦ی تەممووزی ٢٠٢٠ ھێنراوە.
- ^ «Earthquake K24». K24 Retrieved 08 February 2020.
 |
کۆمنزی ویکیمیدیا، میدیای پەیوەندیدار بە ئی وەن تاوەر تێدایە. |