چرا تیڤی

چرا تیڤی (Çira TV) یەکەم کەناڵی تەلەفزیۆنیی ئێزدییەکانە.

چرا تیڤی کە دەمێکی درێژ ئامادەکاریی وەشانی دەکرد، لە ٤ی ئابی ٢٠١٢ دەستی بە وەشانی کرد. ئەو کەناڵە کە ھەموو بەرنامەکانی بە کوردییە، ئاگادارکردنەوەی مێژوویی و فەلسەفی بۆ بیروباوڕی ئێزدی دەکات. زۆربەی بەرنامەکانی بۆ ناساندنی چاند و ژیانی کۆمەڵگای کوردانی ئێزدی ئامادە دەکرێت. بەرنامەکانی دیکەی لەسەر ڕەوشی زمانی کوردی، ڕووداوەکان و پێشکەوتنی کۆمەڵایەتی، سیاسی و چاندی لە ژیانی ڕۆژانەی کوردستاندایە.

بەرنامەکانی چرا تیڤی

چرا تیڤی ھەوڵ دەدات کە بۆ کێشە ڕۆژانەکانی کوردە ئێزدییەکانی ھەر چوار پارچەی کوردستان، ئەرمەنستان، قەوقاز، ڕووسیا و ئەورووپا بەدواداچوون بکات. کاربەدەستانی چرا تیڤی دەستنیشانی دەکەن کە ھەر چەند کە کەناڵەکەیان وەکوو کەناڵێکی ئایینی دروست کراوە، بەڵام لە بەرنامەکانیاندا بۆ منداڵان، لاوان، ژنان، چاند و وێژەی کوردیش کاتێکی زۆر تەرخان دەکرێت.

تەماشاڤانان دەتوانن چرا تیڤی لە ڕۆژھەڵاتی ناوین، قەوقاز و سەرانسەری ئەورووپا تەماشا بکەن. بەرنامەکانی چرا تیڤی ھاوکات لە سەر دوو سەتەلایتدا (Eurobird 9.9 و Nilesat 7) بڵاو دەبێتەوە.

سەرچاوەکان

بەشداربووانی ویکیپیدیای کورمانجی، وتاری Çira TV.

ب و د کەناڵە ئاسمانییە کوردییەکان
گشتی	تی ئاڕ تی کوردی چرا تیڤی دونیا تیڤی زاگرۆس تیڤی سپێدە کوردسات کوردستان تیڤی
سیاسی و ھەواڵ و زانیاری	ئێن ئاڕ تی ڕووداو ڕۆژھەڵات تیڤی کەرکووک تیڤی پەیام گەلی کوردستان کەناڵ٨ کەی ئێن ئێن کوردستان ٢٤ کوردنیوز نەورۆز تیڤی نووچە تیڤی وار تیڤی
کاتبەسەربردن	ڤین تیڤی کەناڵ ٤ کوردماکس کۆڕەک تیڤی نێت تیڤی
منداڵان	ئافەرین پێلیستانک تیڤی زارۆ تیڤی زارۆک تیڤی کوردماکس پەپوولە
ژنان	ژن تیڤی
ئایینی	ئامۆژگاری (ئیسلامی)
داخراو	ئاسۆسات تیشک تیڤی ڕۆژ تیڤی کورد١ مەد تیڤی مەدیا تیڤی