مەد تیڤی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
Medtv.jpeg

مەد تیڤی (MED TV) یەکەمین تەلەفزیۆنی کوردی لەسەر ساتەلایت بوو. مەد تیڤی لە ١٥ی گولانی ١٩٩٥ لە لەندەن دەستی بە وەشانی بەرنامەکانی کرد. لە شەوی کرانەوەیدا، ناسر ڕەزازی یەکەم میوانی مەد تیڤی بوو. تەلەفزیۆنی مەد تیڤی ڕۆژانە شەش کاتژمێر بە زمانەکانی کوردی، تورکی، ئاسووری، و عەرەبی بەرنامەی بڵاودەکردەوە و لە ئەورووپا، باکووری ئەفریقا و ڕۆژھەڵاتی ناویندا تەماشای دەکرا.

بەرگرتن لە وەشان[دەستکاری]

ھەر لە دەستپێکی وەشانیەوە، مەد تیڤی ڕووبەڕووی زەختەکانی دەوڵەتی تورکیا بووەوە. تورکیا بە پرۆپاگەندە و جاڕدانی دوور لە ڕاستی توانی مەد تیڤی لە پێش چاوی ڕای گشتی و دەوڵەتەکانی ئەورووپا ڕەش بکات و وەکوو تەلەفزیۆنی پەکەکە ڕایبگەیێنێت. لە مانگی نیسانی ساڵی ١٩٩٩دا کۆمیسیۆنی تەلەفزیۆنی بریتانیا مۆڵەتنامەکەی مەد تیڤیی بەتاڵکردەوە و بڵاوکردنەوەی بەرنامەکانی ڕاوەستاند. بەڵام بە شۆن سێ مانگدا، لە مانگی تیرمەھی ساڵی ١٩٩٩دا مەدیا تیڤی دەستی بە وەشانی خۆی کردن و جێی مەد تیڤیی پڕکردەوە.