فازڵ نیزامەدین
فازڵ نیزامەدین :(١٩٣٠-٢٠٠٤) نووسەر و فەرھەنگنووس و چالاكی سیاسی
سەرەتای ژیان و خوێندنی[دەستکاری]
فازڵ کوڕی نیزامەدین کوڕی جەلالە، یەک دوو مانگ بەر لە ٦/٩/١٩٣٠ لە گەڕەکی (سەرشەقام)ی شاری سلێمانی ھاتووەتە دنیاوە. کە خراوەتە قوتابخانەی سەرەتایی، ھەم بچووکترین قوتابی و ھەم بەھرەی ئەدەبیی ھەبووە و شیعری خوێندووەتەوە، لەوانە (ئەستێرەگەشە)، بۆیە ناوی (ئەستێرەگەشە)ی بەسەردا بڕاوە. تا قۆناغی ناوەندیی خوێندنی لە سلێمانی و ئامادەییی کشتوکاڵی لە بەغدا تەواوکردووە. ئەمجا بە فەرمانبەر دامەزراوە لە وەزارەتی کشتوکاڵ و تاسەر لە دائیرەی کشتوکاڵی بەکرەجۆ وەزیفەی دیوە.[١][٢]
فەرھەنگ[دەستکاری]
لە ساڵی ١٩٥٠ بەدواوە دەستی داوەتە فەرھەنگنووسی.[١][٢]
زیندانی كردنی[دەستکاری]
١٩٥١ ماوەی سێ مانگ خراوەتە زیندان. ١٩٦٣ ماوەیەک زیندانی بووە سەربازێک برینداری کردووە و پتر لە ساڵێکیش لەبەر ھۆی سیاسی لە وەزیفە دەرکراوە. چەند جارێکیش دوورخراوەتەوە بۆ شارۆچکە دوورەکان.[١][٢]
كۆچی دوایی[دەستکاری]
١٧/٧/٢٠٠٤ ئوتومبیل لێی داوە و گیانی لەدەست داوە.[١][٢]
ژیانی هاوسەرگیریی[دەستکاری]
کوڕێک "شەماڵ" و دوو کچ (شیرین و نەدا)ی لە پاش بەجێماوە.[١][٢]
بەرهەمەكانی[دەستکاری]
فازڵ، نووسینی لە "گەلاوێژ" و "دەنگی گێتیی تازە"دا بڵاوبووەتەوە.[١][٢]
ئەم بەرھەمە لەچاپدراوانەیشی ھەن:[١][٢]
- فەرھەنگی کوردی- عەرەبیی ئەستێرەگەشە، چاپخانەی الاجیال- بەغدا، ١٩٧٣ (چەند جارێک لە چاپ دراوەتەوە)
- فەرھەنگی عەرەبی- کوردیی شیرین
- فەرھەنگی عەرەبی- کوردیی شیرینی نوێ
- کەشکۆڵەکەی ئەستێرەگەشە (کۆمەڵێ بەرھەمی وێژەیی جۆراوجۆرە)، سلێمانی، ٢٠١٣
سەرچاوەکان[دەستکاری]
- ^ ئ ا ب پ ت ج چ گۆڤاری گەلاوێژ (بەرگی یازدەهەم / بەشی یەكەم ) ژیاننامە و پێڕست ، ئامادەكردنی ( سدیق ساڵح ، ڕەفیق ساڵح ، عبدوڵڵا زەنگەنە ) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی .ل8155
- ^ ئ ا ب پ ت ج چ چوار لاپەڕەی ژیاننامەکەی، ئامادەکراوی بەڕێز "کامیل ژیر"ی برای.