تۆڕی ھەواڵی بوار
| خاوەن | تۆڕی ھەواڵی بوار |
|---|---|
| دامەزراوی | ١٣ی حوزەیرانی ٢٠١٣ |
| زمان | کوردی (سۆرانی) |
| بنکەی سەرەکی | ھەولێر، باشووری کوردستان |
| ماڵپەڕی فەمی | https://www.bwar.news/ |
تۆڕی ھەواڵی بوار ماڵپەڕێکی ھەواڵی کوردییە. بنکەی سەرەکیی دەزگای بوار لە شاری ھەولێرە. ماڵپەڕی بوار لە نیسانی ٢٠١٢ دەستیکردووە بە چالاکی و بە زمانی کوردی (سۆرانی) بابەت بڵاو دەکاتەوە.[١]
ھەندێک سەرچاوە تۆڕی ھەواڵی بواری نزیک بە لایەنی کۆسرەت ڕەسووڵ عەلی زانیوە و وتراوە کە ماڵپەڕەکە لەلایەن کوڕەکانی ئەو پشتگیریی ماددی لێ دەکرێتەوە.[٢]
دەستگیرکردنی پەیامنێری بوار[دەستکاری]
لە ١٠ی تشرینی یەکەمی ٢٠٢٢ دەزگای میدیایی بوار بە دەربڕینی بەیاننامەیەک ڕایگەیاند «سەرتیپ وەیسی قەشقەیی» سەرنوسەر و «ئیبراھیم عەلی» بەڕێوەبەری ماڵپەڕەکە بەدوای ئەوەی کە بۆ کارێکی رۆژنامەوانی سەردانی سلێمانیان کردووە ژمارە مۆبایلەکانیان داخرایە و لەو ناوچەیەدا بێسەروشوێن کراون.[٢] دواتر ئاشکرا بوو کە ئەو دوو پەیامنێرە لەکاتی گەڕانەوەیاندا لە سلێمانییەوە بۆ ھەولێر لەنزیک کۆیە لەلایەن ھێزێکی دژەتیرۆری یەکێتییەوە دەستگیر و ڕادەستی ئاسایشی سلێمانی کراون. دوو پەیامنێرەکە بەدوای شەش ڕۆژ مانەوە لە زیندانی ئاسایشی سلێمانی، لە ڕۆژی ١٥ی تشرینی یەکەمی ٢٠٢٢ بە کەفالەت ئازاد کران.[٣]
سەرچاوەکان[دەستکاری]
- ^ بوار: دەربارەی ئێمە (بە سۆرانی)؛ سەردان لە ٥ی تشرینی دووەمی ٢٠٢٣.
- ^ ئ ا ئاژانسی ھەواڵی پەیامنێر: سەرنوسەر و بەڕێوەبەری نووسینی ماڵپەڕی بوار میدیا لە سلێمانی بێسەروشوێن کراون و چارەنووسیان نادیارە (بە سۆرانی)، نووسراو لە ١٠ی تشرینی یەکەمی ٢٠٢٢؛ سەردان لە ٥ی تشرینی دووەمی ٢٠٢٣.
- ^ پەرەگراف: دوو ڕۆژنامەنووسە دەستبەسەر کراوەکە لە سلێمانی ئازاد کران (بە سۆرانی)، نووسراو لە ١٥ی تشرینی یەکەمی ٢٠٢٢؛ سەردان لە ٥ی تشرینی دووەمی ٢٠٢٣.
