دەوڵەتی دەورەدراو

ئەو وڵاتانەی کە سنووری ئاویان نییە

دەوڵەتی دەورەدراو یان وڵاتی بێ‌کەنار ئەو دەوڵەتەیە کە ھیچ سنوورێکی ئاوی یاخود کەنارێکی دەریایی یان زەریایی نیە و لە ھەموو لایەکانەوە بە وشکانی دەوڵەتانی دراوسێی دەورە دراوە، ئەگەر سنووری ئاویشیان ھەبێت بەڵام لەگەڵ دەریایەک کە داخراو بێت و نەتوانێت لەگەڵ زەریاکان یەک بگرێتەوە وەکو دەریای کاسپیەن ئەوا ھەر بە دەوڵەتێکی دەورەدراو دادەنرێن، لە ئێستادا تەنیا ٤٥ وڵاتی دەورەدراو لە جیھاندا ھەیە کە زۆربەیان دەکەونە کیشوەری ئەفریقاوە دوای ئەویش ئەورووپا و پاشان ئاسیا و ئەمریکای باشوور ئەمە لە کاتێکدایە کە ئەمریکای باکوور و ئۆقیانوسیا ھیچ وڵاتی دەورەدراویان تێدا نییە.