بەرنامەی بۆشاییی سۆڤیەت

بەرنامەی بۆشاییی سۆڤیەت (بە ئینگلیزی: Soviet space program) پرۆژەیەک بوو تایبەت بە گەران و لێکۆڵینەوە لە ئاسمان و بۆشایی ئاسمان و گەردوون کە سەر بە یەکێتیی سۆڤیەت بوو، بەرنامەکەش سەر بە ھێزی سووپای سۆڤیەتەوە بوو، چەندین گەران و لێکۆڵینەوەیان کرد و ئەنجامدا ھەندێک بە نھێنی و ھەندێک بە ئاشکرا، بەڵام تا دڵنیا نەبوونایە لە سەرکەووتنی پرۆژەکە ڕایانەدەگەیاند، ھەر وەک ھەموو دەزگا و وڵاتێک ئەو پرۆژەیەش چەندین کاری نا سەرکەوتوانە و شکستی بەسەردەھات گەورەترینیان چوون بۆ سەر مانگ بوو پێش ئەمەریکا بەلام سەرکەوتوو نەبوون، ئەو کاتەش سێرجی کۆرولیۆف بەرێوبەری ھەموو پرۆژەکە بوو.

یەکەمینەکان

یوری گاگارین یەکەمین مرۆڤ چووە بۆشایی ئاسمان

لە ٣١ تەمموزی ساڵی ١٩٥٦ ویلایەتە یەکگرتووەکانی ئەمریکا ڕایگەیاند کە یەکەمین مانگی دەستکرد جێگیر دەکەن، تەنھا ٢ رۆژ دوای ئەو ڕاگەیاندنە، یەکێتی سۆڤیەت بڵاوی کردەوە کە ئەوانیش بەتەمای ھەمان پرۆژەن، لە ٤ تشرینی یەکەمی ساڵی ١٩٥٧ یەکێتی سۆڤیەت مانگی دەستکردی سپوتنیک-١ی رڕەوانەی دەرەوەی زەوی کرد، کە یەکەمین مانگی دەستکردی مرۆڤ بوو بچێتە دەرەوەی زەوی، ئەو دەنگۆ و گۆرانە زانستیە لە ھەموو جیھان دەنگی دایەوە، ئەوەش گووزارشتی کرد لە سەرکەووتنی یەکێتی سۆڤیەت بەسەر ئەمەریکا لە جەنگی سارد لە نێوانیان بە تایبەتی لە پێشبرکێی بۆشایی.

ئەمانەش ببینە

سەرچاوەکان