گۆرەویچنە

گۆرەویچنە
European Crested Tit in Scotland
Scientific classification
Kingdom:	Animalia
Phylum:	Chordata
Class:	Aves
Order:	Passeriformes
Suborder:	Passeri
Family:	Paridae Vigors, 1825
Genera
5–10, see text.
Global range (In green)
Synonyms
see text

گۆرەویچنە خێزانە مەلێکن، ورد و چالاک، بە کێشی نزیک ١١ گرەم، دارژی، بەرزەفڕ و نەوێستاوە و زۆر دەنگخۆش. باڵەکانی کورتە و دڵی بەهێزە. مێروو و [کرم]] و جارجاریش دانەوێڵە دەخوا. لە ناو مەلە دەنگخۆشەکاندا لە هەموو بەوزەترە، بەرگەی برسییەتی ناگرێ؛ ئەگەر ٢٤ کاتژمێر برسی بێ، تیادەچێ، بەم بۆنەوە لە زستاناندا زۆریان تیادەچێ.

لە کون و کەلێنی دارەکاندا هێلانە دەکا. ئەگەر کونی داری گیر نەکەوێ، لە کونی زەوی، باکسی پۆستی ماڵەکان و تەنانەت قوتووی خاڵیشدا هێلانە دەکا. لە ساڵێکدا دووجار و هەرجار ٦ تا١٢ هێلکە دەکا. لە زاراوەی گیلانیدا پێی دەڵێن «کولکاپیس» و لەو باوڕەدان کە بولبولی مێچکە حەفت هێلکە دەکا، کە تەنیا یەکیان دەبێ بە بولبول و ئەوانی تر دەبنە کولکاپیس (کولکا= بولبول ، پیس= گەن، خراپ).

ئەم مەلە لە خێزانی گۆرەویچنانە(Paridae). ئەم مەلانە بێجگە لە باکووری ئەمریکا نەبێ، لە هەموو دارستانەکان، لێڕەوارەکان، باخ و باخچەکانی دنیا دەبینرێن.

ناوەکانی تر

لە زاراوەکانی زمانی کوردیدا ئەم ناوانەش بۆ گۆرەویچنە هاتووە:

• دووکەڕیسە، شەلوورە، جڕجڕە، گۆرێچنە، گۆرواباف، گۆرەویلە، دوکەریسە

جۆرەکانی گۆرەویچنە

• گۆرەویچنەی بۆر
• گۆرەویچنەی پاشمل سپی
• گۆرەویچنەی پشت شێ
• گۆرەویچنەی شین
• گۆرەویچنەی تورکستانی
• گۆرەویچنەی سمێڵدار
• گۆرەویچنەی کلک درێژ
• گۆرەویچنەی گەورە

گۆرەویچنە لە پۆلێنی زانستیی گیانداراندا

• Domain: دەڤەر: گیانەوەران
• Kingdom:میران(زنجیرە): مازەداران
• Class: چین (پۆل) : مەلان
• Order: تۆرەمە: چۆلەکان
• Family: تیرە : گۆرەویچنان

وێنەخانە

• 
• 
•