گرێی ئۆسلەر
گرێی ئۆسلەر | |
---|---|
برینەکانی ئۆسلەر کە دۆزراونەتەوە لە دەست و پەنجەی پیاوێکی ٤٣ ساڵی تووشبوو بە ھەوکردنی بەکتریا لە ناوپۆشی دڵ. | |
Differential diagnosis | درمە ھەوکردنی ناوپۆشی دڵ |
گرێکانی ئۆسلەر بریتین لە برینی ئازاربەخش و سوورھەڵگەڕاو و بەرزبووەوە کە لەسەر دەست و پێیەکان دەبینرێن؛ کە پەیوەندیان بە کۆمەڵێک حاڵەتەوە ھەیە، لەوانە ئینفێکتڤ ئیندۆکاردایتس (واتا ھەوکردنی ناوپۆشی دڵ بەھۆی تەشەناوە)، ھەروەھا بەھۆی نیشتنی ئاوێتەی بەرگری (دژەتەن و دژەپەیداکەر) دروست دەبن. بوونی ئەوان پێناسەیەکی ھێمای ئۆسلەرە.[١]
ھۆکارەکان[دەستکاری]
گرێکانی ئۆسلەر لە ئەنجامی نیشتنی ئاوێتەکانی بەرگرییەوە پەیدا دەبن.[٢] ئەو وەڵامدانەوە ھەوکردنەی کە لە ئەنجامدا دروست دەبێت سەردەکێشێت بۆ ئاوسان و سووربوونەوە و ئازار کە تایبەتمەندی ئەم برینانەن.
گرێکان بە شێوەیەکی باو ئاماژەن بۆ ھەوکردنی بەکتریایی ناوپۆشی دڵ.[٣] ١٠–٢٥٪ی نەخۆشانی ھەوکردنی ناوپۆشی دڵ تووشی گرێی ئۆسلەر دەبن.[٤] ھێماکانی تری ھەوکردنی ناوپۆشی دڵ بریتین لە پەڵەی ڕۆز و برینەکانی جەینوەی. ئەوەی دواتریان، کە لەناو لەپی دەست و قاچیشدا ڕوودەدەن، دەتوانرێت لە گرێکانی ئۆسلەر جیابکرێتەوە، چونکە تێندەر نین (واتا ئازاربەخش لە کاتی دەست لێدان).[٢]
دەتوانرێت گرێکانی ئۆسلەر لەمانەش ببینرێن
- گورگە سوورە
- ھەوکردنی ناوپۆشی دڵی مارانتیک
- ھەوکردنی پەرشبووی گۆنۆکۆکسای
- لە خوار کاسێتەری خوێنبەری پیسبوو
ئیتیمۆلۆژی[دەستکاری]
گرێکانی ئۆسلەر بە ناوی بەڕێز ویلیام ئۆسلەرەوە ناونراون کە ئەوانی پێناسەکردووە لە سەرەتاکانی سەدەی بیستەمدا.[٥] ئەو بە «پەڵەی کاتی سووربوونەوەی گرێیێکی ئازاربەخش، بە شێوەیەکی سەرەکی لە پێستی دەست و قاچەکاندا» وەسفی کردوون.[٦]
سەرچاوەکان[دەستکاری]
- ^ "Osler sign" لە فەرھەنگی دۆرلەند
- ^ ئ ا Farrior, JB; Silverman, ME (August 1976). "A consideration of the differences between a Janeway's lesion and an Osler's node in infectious endocarditis" (PDF). Chest. 70 (2): 239–43. doi:10.1378/chest.70.2.239. PMID 947688. ١٤ی ئایاری ٢٠١٤ لە وەیبەک مەشین، ئەرشیڤ کراوە.
- ^ "Osler nodes" لە فەرھەنگی دۆرلەند
- ^ "Endocarditis". The Lecturio Medical Concept Library. Retrieved 19 July 2021.
- ^ Osler, W (1908–1909). "Chronic infectious endocarditis". Quarterly Journal of Medicine. Oxford. 2: 219–230.
- ^ "Osler's Node and Janeway Lesions". National Center for Biotechnology Information, U.S. National Library of Medicine. Retrieved 19 July 2021.
کۆمنزی ویکیمیدیا، میدیای پەیوەندیدار بە گرێی ئۆسلەر تێدایە. |