پاوەند بۆ ھەر ئینچێکی چوارگۆشە

لە ئینسایکڵۆپیدیای ئازادی ویکیپیدیاوە
Jump to navigation Jump to search

پاوەند بۆ ھەر ئینجێکی چوارگۆشە (بە ئینگلیزی Pounds per square inch) کە زۆر جاریش بە ھێزی پاوەند بۆ ئینجێک چوارگۆشە ناودەبرێت و لە ناوخۆشدا زۆرکات تەنھا بە پاوەند ناودەبرێت.

گێچێكی خوێندنەوەی پەستان بە هەردوو یەكەی پاوەند بۆ هەر ئینجێك چوارگۆشە (سوور) و پاسكال (ڕەش)

پاوەند بۆ ھەر ئینجێک چوارگۆشە بە (psi) ھێما دەکرێت و یەکەیەکی پێوانەکردنی پەستان ە لە سیستەمی ئەڤۆیردەپۆیس. کە بریتیە لە بڕی ئەو پەستانەی کە دروست دەبێت لە ئەنجامی ھێزی پاوەند بۆ سەر ڕووبەری یەک چوارگۆشە ئینج. پاوەند بۆ ھەر ئینجێک چوارگۆشە لە لایەن سیستمی نێودەوڵەتیی یەکەکان (SI) پەسەند نەکراوە.

ھاوتا و بڕەکەی[دەستکاری]

١ پاوەند بۆ ھەر ئینچێکی چوارگۆشە دەکاتە:

  • ٦٬٨٩٤٧٦ کیلۆ پاسکال
  • ٠٫٠٦٨٩٤٧٦ باڕ
  • یەک ئینج ئاو دەکاتە: ٠٫٠٣٦ پاوەند بۆ ھەر ئینجێک چوارگۆشە
  • پەستانی ناو تۆربۆچارج لە ئۆتۆمبێلدا لە نێوان ٦ تا ١٥ پاوەندە بۆ ھەر ئینجێک چوارگۆشە
  • پەستانی کەش لەسەر ڕووی دەریا ١٤٫٧ پاوەندە بۆ ھەر ئینجێک چوارگۆشە
  • پەستانی ھەوای ناو تایەی ئۆتۆمبێل ٣٢ پاوەندە بۆ ھەر ئینجێک چوارگۆشە

پاوەند بۆ ھەر ئینجێک چوارگۆشە بە گێج psig و بە ڕاستەقینە psi[دەستکاری]

پاوەند بۆ ھەر ئینجێک چوارگۆشە بە گێج psig بریتیە لە برێ ئەو پەستانە لە ژێر کاریگەری پەستانی ھەوا (ئاتمۆسفیر Atmosphere) کە بڕەکەی بڕێک زیاترە لە بڕە راستەقینەکەی خۆی ئەویش بە ھۆی کاریگەری پەستانی ھەوای دەووروبەر، بەڵام پاوەند بۆ ھەر ئینجێک چوارگۆشە بە راستەقینە Absolute (کە بە psi یان بە psia ھێما دەکرێت) ئەمەیان بڕی ئەو پەستانەیە بەبێ کاریگەری پەستانی ھەوای دەوروبەر.

سەرچاوەکان[دەستکاری]