وتووێژ:ھیپۆتێز

تکایە ئەگەر کەسێک دەزانێت وشەی "گریمانە" لە زمانی کوردیدا لە چیوە هاتووە، لە بەشی لێکدانەوەی وشەی ئەم وتارە بینووسێت. خۆم وادەزانم ئەم وشەیە دەشێت کەڵهوڕی بێت. کەڵهوڕەکان دەڵێن: "گیریمان من بچم" (=وای دابنێین من بچم). هەروا کە لە وتارەکەشدا هاتووە گریمانە واتە وادانان، فەرزکردن. من دڵنیا نیم، سەرچاوەشم نیە دەنا خۆم دامدەنا.--Aza ٠٩:٢٨, ٢٤ تشرینی دووەم ٢٠٠٩ (UTC)

کاک ئازا من لە پەرتووکێکدا خوێندمەوە کە دوو وشەی «گریمانە» و «شیمانە» لە وشە داتاشراوەکانی کۆڕی زانیارین و لە ڕووی وشەی کۆنی «دیمانە» دروست کراون. کە وا بوو سەر بە ھیچ شێوەزارێک نین؛ ئەگەر چی من لە دروست بوونی داتاشینی ئەم وشانە دوودڵم.--:)چالاک^لێدوان ١٨:٥٨, ٣ شوبات ٢٠١٠ (UTC)

@Aza: ئەگەر بەپێی دیمانە دروست کرابێ دیمانە لە دی (ڕەگی ڕابردووی فیعلی دین بە مانای see) و پاشگری مانە (یان پاشگری مان + ە) پێکھاتووە. ئێستا پرسیار ئەمەیە گری- لە گریمانەدا چییە؟ نە دەتوانێ ڕەگی رابردووی گرتن (گرت) بێ نە ھی گیران (گیرا). ڕەگی ئێستای ئەم دوو فیعلەش گر و گیر ھەر نابێ.

بۆ شیمانەش فیعلەکەی ناڕوونە. بڵێی شیان بێ؟--چالاک _وتووێژ ‏٠٧:٣٢، ١٤ی کانوونی یەکەمی ٢٠١٦ (UTC)

بۆ گریمانە ڕاست دەکەی. شیمانەش لە شیانەوە ھاتووە. ئەڵێن "دەشێت" یانی ڕێی تێ دەچێت، ئیحتیمالەن.--Aza (لێدوان) ‏١٢:١٥، ١٤ی ئازاری ٢٠١٧ (UTC)

گریمانە کە لە بنەڕەتا بە مانای گرێخواردووە، بۆ ئەم مەبەستە نەگونجاوە. گریمانە وەک بەرامبەری وشەی فەرزییەی عەرەبی، مەعلووم نییە چۆناوچۆن و بە پێی کام پرەنسیپی وشەسازی دروست بووە. «گریمان» ھەیە لە کوردیا کە یانی «وامان دانا»، «وامان فەرز کرد»، بەڵام ئەمە خۆ نابێتە فەرزییە! لە بوارەکانی زانست و فەلسەفەی سیاسیدا وا باوە کە ھەر وشەی ھیپۆتێز بە کار بھێنرێت. بۆیە منیش گواستمەوە. -Aza (لێدوان) — ئەم لێدوانە لەلایەن Aza واژوونەکراوە. (لێدوان • بەشدارییەکان) ١٥:٢٦، ٢٣ی تەممووزی ٢٠٢٢ (UTC)