میر ھەزار خان کھۆسۆ

میر ھەزار خان کھۆسۆ
میر ہزار خان کھوسو
لەدایکبوون	٣٠ی ئەیلوولی ١٩٢٩  Jafarabad
مەرگ	٢٦ی حوزەیرانی ٢٠٢١  (٩١ ساڵ ژیاوە) کوێتە
زانکۆ	University of Sindh زانکۆی کەراچی
پیشە	دادوەر، سیاسەتوان
پلە	Federal Minister for Foreign Affairs (٢٠١٣–٢٠١٣)، Caretaker Prime Minister of Pakistan (٢٠١٣–٢٠١٣)، Federal Minister for Finance (٢٠١٣–٢٠١٣)، Federal Minister for Defence (٢٠١٣–٢٠١٣)، Chief Justice of the Federal Shariat Court (١٩٩٢–١٩٩٤)

میر ھەزار خان کھۆسۆ (بە ئوردوو و بەلۆچی: میر ہزار خان کھوسو؛ ٣٠ی ئەیلوولی ١٩٢٩ – ٢٦ی حوزەیرانی ٢٠٢١). مافناسێکی بەلۆچی پاکستانی بوو کە لە ٢٥ی ئازاری ھەتا ٥ی حوزەیرانی ٢٠١٣ سەرۆک وەزیرانی کاتی پاکستان بوو. کھۆسۆ دادوەرێک بوو کە لە پێشدا وەکوو سەرۆکی دادگای شەرعی و پاشان وەک سەرۆک وەزیرانی کاتی لە پێش ھەڵبژاردنی ٢٠١٣ی پاکستان خزمەتی کردووە.

ژیانی سەرەتایی و خوێندن

خۆسۆ لە ٣٠ی ئەیلوولی ١٩٢٩ لە گوندی گۆت ئەعزەم خان لە قەزای جەفەرئاباد لە پارێزگای بەلووچستانی باشووری ڕۆژھەڵاتی پاکستان لەدایکبووە. لە سەردەمی گەنجێتیدا، خۆسۆ بە شێوەیەکی چالاکانە بەشداری لە بزووتنەوەی پاکستاندا کرد و «محەممەدعەلی جیناح»ی وەک ئیلھامبەخشی خۆی ناوبرد. ئەو لە نەتەوەی بەلووچ بوو.

خۆسۆ لە ساڵی ١٩٥٠ چووە زانکۆی سند و لە ساڵی ١٩٥٤ بڕوانامەی بەکالۆریۆسی بەدەستھێنا. دوای دوو ساڵ، خۆسۆ بڕوانامەی بەکالۆریۆسی لە یاسا لە زانکۆی کراچی بەدەستھێنا. ئەو لە ساڵی ١٩٦٦ تا ١٩٧٦ داواکاری گشتی بوو لە جەیکوب ئاباد لە سند. ھەروەھا مامۆستای حکوومی بوو لە کۆلێژی یاسای کوێتە لە بەلووچستان. لە نێوان ساڵانی ١٩٩٤ تا ١٩٩٦ وەک دادوەری دادگای باڵای پاکستان ھەڵبژێردرا. ھەروەھا لە ساڵی ١٩٨٦ تا ٢٠٠١ ئەندامی کۆمیسیۆنی ڕاژەی گشتی پاکستان بوو. جگە لەمانە، سەرۆکی دەستەی فەرمانبەرانی دەرکراو بوو بۆ گەڕانەوەیان بۆ سەر کار.