میخائیل تاڵ

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
میخائیل تاڵ شەتڕەنجزانی لاتیڤی

میخائیل تاڵ (ماوەی ژیان : ٩ی تشرینی یەکەمی ١٩٣٦ لە لاتڤیای سەر یەکێتیی سۆڤیەت لە تاکوو ٢٨ی حووزەیرانی ١٩٩٢ لە مۆسکۆی ڕووسیا) کەسایەتی شتڕەنجزانی لاتیڤییە و پاڵەوانەی هەشتەمین پاڵەوانییەتی جیهانی شەتڕەنج بووە لەماوەی ١٩٦٠ تاکوو ١٩٦١. میخائیل تاڵ پاڵەوانی جیھانی لەیاری شەترەنجدا ساڵی ١٩٩٢ بەھۆی وەستانی گورچیلەکانێوە لەیەکێک لە نەخۆشخانەکانی مۆسکۆ کۆچی دوایی کردووە.

ژیانی یاریزانی[دەستکاری]

میخائیل تاڵ ساڵی ١٩٥٣ لەتەمەنی ١٦ ساڵیدا لە پاڵەوانێتی ڕیجای شەترەنج یەکەم بووە و نازناوی ئوستازی وەرگرتووە، ساڵی ١٩٤٥ پەیوەندی بە زانکۆوە کردووە و وێژەی ڕوسی خوێندووە و پاڵەوانێتی شاری ڕیجای بردۆتەوە، ساڵی ١٩٥٥ لە پاڵەوانێتی یەکێتی سۆڤێت بەشداری کردووە و پلەی سێھەمی بەدەستھێناوە، ساڵی ١٩٥٧ لە پاڵوانێتی یەکێتی سۆڤێت پلەی یەکەمی بەدەستھێناوە، ساڵی ١٩٥٨ لەگەڵ تیمی سۆڤێت بەشداری لە ئۆلمپیادی شەترەنج کردووە و بەھۆی ئەوەوە تیمەکە پلەی یەکەمی بەدەستھێناوە، ساڵی ١٩٥٩ سەرکەوتن بەدەست دەھێنێت و سەرئەکەوێت بۆ بەشداری کردن لە جامی جیھانی شەترەنجدا. میخائیل تاڵ ساڵی ١٩٦٠ ڕوبەڕوی بۆتفنیک بۆتەوە بۆ بەدەستھێنانی نازناوی پاڵەوانی جیھان لە شەترەنج، ئەم دوو یاری زانە بیروڕایان جیاوز بووە، بۆتفنیک پێی وابووە یاری شەترەنج زانستە و ھونەر نیە، بەڵام تاڵ پێی وابووە کە یاری شەترەنج ھونەر و داھێنانە، لەدوای یاریەکی مێژوویی تاڵ توانیوێتی لە بۆتفنیک بەرێتەوە و ببێتە بچوکترین پاڵەوانی جیھانی یاریزانی شەترەنج لەمێژوودا کە تەمەنی ٢٤ ساڵ بووە و تەنھا کاسپارۆف توانیوێتی لە ساڵی ١٩٨٥ ئەم ژمارە پێوانەییە بشکێنێ کە لەتەمەنی ٢٢ ساڵیدا بۆتە پاڵەوانی جیھان لەیاری شەترەنج.