موعتەبەر تاجیبایڤا
| موعتەبەر تاجیبایڤا | |
|---|---|
.png) | |
| لەدایکبوون | ٢٥ی ئابی ١٩٦٢ مەرغیلان، ئۆزبەکستان |
| پیشە | ڕۆژنامەوان |
| خەڵاتەکان | خەڵاتی نێونەتەوەییی ژنانی ئازا، Martin Ennals Award for Human Rights Defenders |
موعتەبەر تاجیبایڤا (بە زمانی ئوزبەکی: Mo'tabar Tojiboyeva؛ لە دایکبووی ٢٥ی ئابی ١٩٦٢ لە مەرغیلان، ئۆزبەکستان، یەکێتیی سۆڤیەت) ڕۆژنامەنووسی سەربەخۆ و چالاکوانی مافەکانی مرۆڤی ئووزبەکییە.[١] ئەو بەهاوبەشی چەند ڕێکخراو و ناوەندێکی مەدەنی بۆ پارێزگاریکردن لە مافەکانی مرۆڤ دامەزراندووە. لە ٧ی تشریننی یەکەمی ٢٠٠٥، لەلایەن حکوومەتی ئۆزبەکستان دەستگیرکرا و دواتر لە دادگا بڕیاری ٨ ساڵ زیندانی کردنی بۆ دەرچوو، ئەو لەسەر وتارێکی ئەو گیرابوو کە ڕەخنەی لە حکوومەتی وڵاتەکەی گرتبوو لەسەر بەکارهێنانی توندوتیژی لەبەرامبەر گردبوونەوەیەکی ئاشتیخوازانە لە ساڵی ٢٠٠٥.
لە ساڵی ٢٠٠٩، لەلایەن ڕێکخراوی نێونەتەوەیی ژنانی ئاشتی لە گشت جیهان، ناوی موعتەبەریان لە نێو ١٠٠٠ ژنە چالاکوانی ئاشتیخوازی جیهانیی کانیدکرد بۆ خەڵاتی ئاشتیی نۆبێل. لە ١٥ی ئایاری ٢٠٠٨، ئەو هێشتا لە زیندان بوو کاتێک خەڵاتی مارتن ئەرنالسی پێدرا.[٢]
موعتەبەر تاجیبایڤا لە پای کار و چالاکییەکانی لە ساڵی ٢٠٠٧، لەلایەن حکوومەتی ئەمریکا خەڵاتی نێونەتەوەییی ژنانی ئازا پێدرا.[٣]
موعتەبەر هەڵگری بڕوانامەی دبلۆمە لە ئابووری، هەروەها کۆرسێکی ڕۆژنامەوانی خوێندووە.
سەرچاوەکان
[دەستکاری]- ^ «Bloggers Unite for Human Rights: 10 Female Human Rights Heroes». two chocolates. لە ڕەسەنەکە لە ٣ی تەممووزی ٢٠١٨ ئەرشیڤ کراوە. لە ٢٢ی کانوونی یەکەمی ٢٠١٣ ھێنراوە.
- ^ «Martin Ennals Award». martinennalsaward.org. لە ڕەسەنەکە لە ٢٤ی کانوونی یەکەمی ٢٠١٣ ئەرشیڤ کراوە. لە ٢١ی ئازاری ٢٠٢١ ھێنراوە.
- ^ «State Department's 2009 International Women of Courage Awards». usembassy.gov. لە ڕەسەنەکە لە ١٧ی ئازاری ٢٠١٦ ئەرشیڤ کراوە. لە ٢٢ی کانوونی یەکەمی ٢٠١٣ ھێنراوە.
