ملوانکەی شین:کۆچ

لە ئینسایکڵۆپیدیای ئازادی ویکیپیدیاوە
Jump to navigation Jump to search
کۆچی کوردان وا بە کاروان دێ لە رێی شارانەوە ڕۆژ بە باری قورس و برسی، شەو لە بەر بارانەوە
نیشتمانی خۆمە دەیپێوم، پێم دەڵێن ئاوارەیە گەرچی بێ ڕەشماڵ و پێخواس، سەر بە کۆسارانەوە
ڕێگە دوور و خێڵ ماندوو و لێوبەبار و پێ پەتی چاو بە ئەسرین دێنە پیری کۆچەکەی یارانەوە
نایە سۆزی دەنگی گۆرانی، ھەوارە و کۆچی سوور کاروان گوێی داوە بە ناڵەی بریندارانەوە
بۆ مناڵێ تەرمی دایکی خۆی بە جێ دێڵێ و ئەچێ ئاسمان دەگری، مەلان دەگرین بە سەر دارانەوە
دەنگی تۆپ و تیری دوژمن دێ لە شوێنی کۆچەوە جێ ھەواران وا بە دەستی سووری زۆردارانەوە

سەبارەت بەم شیعرە[دەستکاری]

یەکێک لە شیعرەکانی دیوان شیعری ملوانکەی شین لە بەرھەمەکانی شەریف. تەواوی ئەم شیعرە عەدنان کەریم لە ئەلبۆمم بیرتان دەکەم دا کردوویە بە گۆرانی.

ئەمانەش ببینە[دەستکاری]