محەممەد بەرزنجی

محمد بەرزنجی، مامۆستا شێخ محمد نەجیب حەسەن بەرزنجی لە ساڵی ١٩٤٥ لە گوندی سەرگەتی ناوچەی ھەورامان لە دایک بووە، و لە ساڵی ١٩٥٣ و لە تەمەنی ٨ ساڵیدا دەستی بە خوێندن کردووە، لە ساڵی ١٩٦٥ ئیجازەی مەلایەتی لەسەر دەستی ٤٥ زانای ئایینی وەرگرتووە، ئیجازەی عیلمی لە ھەردوو زانستی شەرعی و فەلسەفەدا وەرگرتووە. مامۆستا شێخ محمد بەرزنجی لە ساڵی ١٩٧٧ بڕوانامەی بەکالۆریۆسی لە زمانی عەرەبی و زانستی شەرعیدا لە زانکۆی بەغدا بە دەستھێناوە، و ماوەی ٣٠ ساڵ لە حوجرەکانی کوردستاندا خزمەتی کردووە و دەیان قوتابی و فەقێ و زانای ئایینی پێگەیاندووە و ڕۆڵێکی بەرچاووی ھەبووە لە خزمەتکردن بە ڕابوونی ئیسلامی لە باشووری کوردستان و بەردەوام و بێ پچڕان لە خزمەتی ئەو ڕابوونەدا بووە.

محەممەد خاوەنی ٧ منداڵە و یەکێکە لە دامەزرێنەرانی بزووتنەوەی ئیسلامی کوردستان و دوای دامەزراندنی کۆمەڵی ئیسلامی بووەتە پێشەوای کۆمەڵی ئیسلامی کوردستان.