مالینا

لە ئینسایکڵۆپیدیای ئازادی ویکیپیدیاوە
Jump to navigation Jump to search
مالینا
Malena poster.jpg
پۆستەری سینەما لە ئەمریکا
دەرھێنەرجیۆزێپی تۆرناتۆری
بەرھەمھێنەر
شانۆنامەجیۆزێپی تۆرناتۆری
چیرۆکلوچیانۆ ڤانسینزوا
ئەکتەران
مۆسیقائینیۆ مۆریکۆنی
وێنەگری سینەماییلاجۆس کۆلتا
مۆنتاژماسیمۆ کواگیلا
کۆمپانیای
بەرھەمھێنەر
  • مێدوسا فیلم
  • میراماکس
  • پاسفیک پیکچەرز
  • تیلە+
بڵاوکردنەوە
  • مێدوسا دیستیبیوزیۆن (ئیتالیا)
  • میراماکس (ئەمریکا)
دەرچوون
  • ٢٧ی تشرینی یەکەمی ٢٠٠٠ (2000-10-27) (ئیتالیا)
  • ٢ی شوباتی ٢٠٠١ (2001-02-02) (ئەمریکا)
ماوەی فیلم
  • ١٠٩ خولەک
  • ٩٢ خولەک (ئەمریکا - دیمەنی پەڕێنراو)
وڵات
  • ئیتالیا
  • ئەمریکا
زمانئیتالی
داھات$١٤٫٤ میلیۆن[١]

مالینا فیلمێکی دراما، ڕۆمانسی و کۆمێدییە. ھەریەکە لە مۆنیکا بێلووچی و جۆزێپی سیلڤارۆ ڕۆڵی سەرەکی دەگێڕن. نووسین و دەرھێنانی لەلایەن جیۆزێپی تۆرناتۆری بۆکراوە، لە چیڕۆکێکی نووسەری ئیتالی لوچیانۆ ڤانسینزوا وەرگیراوە.[٢]

چیڕۆک[دەستکاری]

لەساڵی ١٩٤٠ لە یەکێک لە شارۆچکە ببچووکەکانی سیسیلیا، کاتێک تەمەنی دەبێتە ١٢ ساڵان ڕیناتۆ لەڕۆژێکدا سێ ڕووداوی گەورە لەژیانیدا ڕوودەدەن: ئیتالیا بەشداری دەکات لە جەنگی جیھانیی دووەم؛ بۆیەکەمینجار دەبێتە خاوەنی پاسکیلێک؛ وە خانمێکی جوان دەناسێت کە بەناوی مالینا. مێردی مالینا، بەزۆر دەبردرێتە ئەفریقیا بۆئەوەی لەدژی ھێزەکانی بەریتانیا شەڕ بکات، بەمەش مالینا دەبوو بەتەنیا بمێنێتەوە لەماڵەکەیدا. لەبەر جوانی و تەنیاییەکەی، مالینا دەبێتە ئامرازێک بۆ حەزی پیاوانی شارۆچەکەکە و ڕقی ژنەکانیشیان. مالینا بەردەوام چاودێری و ئاگای لە باوکە پیرە نەخۆشەکەیەتی کە ئەویش بەتەنیا دەژی.

ڕیناتۆش دەکەوێتە داوی مالیناوە، ھەربۆیە بەردەوام چاودێری ماڵەکەی مالینا دەکات و کاتێکیش ئەو دەڕوا ئەوا دوای دەکەوێت. بۆ تێرکردنی حەزە سێکسییەکانی خۆی، ڕیناتۆ چەند جلی ژێرەوەی مالینا دەدزێت. دواتر کە خێزانەکەی ئەوە دەبینن، ئەوا ھەوڵدەدەن چارەی ڕیناتۆ بکەن.

دواتر مالینا ھەواڵی ئەوەی پێدەگات، کە مێردەکەی لەکاتی جەنگدا کووژراوە. پڕووپاگەندەیەک تەواوی شارۆچەکە بەخۆیەوە سەرقاڵدەکات کە مالینا لە شەوانی درەنگدا سەردانی دەکرێت لەلایەن ئەفسەرێکەوە کە ھاوسەرگیری نەکردووە. بابەتەکە دەچێتە دادگا، مالینا دا بەو پەیوەندییە دادەنێت، بەڵام ئەفسەرەکە لە ئیفادەکەی ئەوە باسدەکات کە پەیوەندی ئەو و مالینا تەنیا ھاوڕێیەتییە. ئەمەش ئازاری مالینا دەدات، بەڵام ھیچ قسەیەک لەسەر ئەفسەرەکە ناکات. دواتر بێتاوانی مالینا لەسەر ئەم دۆسییە دەسەلمێندرێت. دواتر لەماڵەکەیدا، مالینا لەلایەن پارێزەرەکەیەوە دەستدرێژی سێکسی دەکرێتە سەر لەبەرامبەر کرێی دادگاکە.

ڕیناتۆ دەچێتە کڵێسا، داوا لە خودا دەکات کە پارێزگاری لە مالینا بکات دژ بە نەیارانی. ڕیناتۆ نەیدەزانی کە ڕووانینی ئەو بۆ مالینا باشترە بەراود خەڵکی شارۆچەکەکە وە ئەوەشی نەدەزانی کە مالینا خۆ چۆن ھەست بە ڕووداوەکان دەکات.

لەھەمانکاتدا، جەنگ دەگاتە سیلسیا بە شارۆچکەکەشەوە و لەلایەن ھاوپەیمانانەوە بۆمباران دەکرێت، بەھۆی ئەم ڕووداوەشەوە باوکی مالینا دەکووژرێت. دواتر مالینا دەکەوێتە گێژاوێکەوە لەگەڵ خەڵکی شارۆچەکەکەی کە ھیچ کەسێک کاری پێنادات و شتیشی پێنافرۆشێت. بۆیە مالینا بەناچاری دەخزێتە ناو کاری لەشفرۆشییەوە. خەڵکی شارۆچەکەکە بەوە دڵخۆشن کە ئەو وەک بێنامووسێک ببینن لەوەی وەک بێوەژنێکی ترسناک. دواتر کاتێک سووپای نازی دەست بەشارۆچەکەکەدا دەگرن، کاتێک ڕیناتۆ مالینا لەگەڵ سەربازە نازییەکان دەبینێت لەھۆش خۆی دەچێت. دایکی دەیبات بۆلای پیاوانی ئاینی بۆئەوەی ڕۆحە شەڕەنگێزییەکەی ناخی دەربھێنێت، بەڵام باوکی زیاتر لە کوڕەکەی تێدەگات و دەیبات بۆ خانەی لەشفرۆشان، لەوێ ڕیناتۆ یەکێک ھەڵدەبژێرێت کە وای بۆدێتە خەیاڵ ئەو کاتەی لەگەڵ مالینادا بەسەردەبات.

ئەڵمانیای نازی شارۆچەکەک جێدەھڵێت، ئەمریکییەکان دێنە شارۆچکەکە و خەڵکیش دڵخۆشن. ژنانی شارۆچکەکە زیاتر تووڕەیی دەیانگرێت و دەچن لە ھۆتێلەوە مالینا دەردەھێنن، جلەکانی دەدڕێنن و سووکایەتی پێدەکەن بە بڕینی قژی. بۆئەوەی زیاتر خۆی بپارێزێت، مالینا شارۆچکەکە جێدەھێڵێت. دوای چەند ڕۆژێک، مێردەکەی نینۆ، کە لە زیندانی جەنگدا ڕزگاری بووە و یەکێک لە قۆڵەکانیشی لەدەستداوە دەگەڕێتەوە بۆ ماڵەکەی و بۆلای ژنەکەی. خانووەکەی لەلایەن خەڵک و پەنابەرانەوە دەستی بەسەردا گیراوە و کەسیش ڕاستییەکەی پێناڵێت کە چۆن ژنەکەی بدۆزێتەوە. ڕیناتۆ نامەیەکی شاراوەی بۆدەنێرێت کە ژنەکەی ھێشتا ئەوی خۆشدەوێت بەڵام ڕۆژگار و ونبوونی پیاوەکەی وایکرد شارۆچەکە جێبێڵێت بۆ شاری مێسینا.

دوای ساڵێک، نینۆ و مالینا دەگەڕێنەوە شارۆچکەکە. ژنەکان ھەست بەوەدەکەن کە ئەو زۆر بەئازایەتییەوە گەڕاوەتەوە، لەگەڵ ئەوەشی کە ھێشتا جوانە بەڵام چیتر وەک ھەڕەشە نایبینن بۆ حەزی پیاوەکانیان. لەبەئەرەوە خەڵکی زیاتر ڕێزی لێدەگرن، کاتێک دەچێتە بازاڕەوە ئەو ژنەی کەپێشتر لێی دا ئەوا پێی دەڵێت بەیانی باش و بە خاتوون بانگی دەکات. لەکاتی چوونە ماڵەوەیدا، مالینا میوەکانی لێدەکەوێت بەڵام ڕیناتۆ بۆی ھەڵدەگرێتەوە و ھیوای بەختێکی باشی بۆدەخوازێت، مالیناش بەنیوە بزەیەکەوە سەیرید دەکات.

دوای ڕۆیشتنی تەمەنی ڕیناتۆ، ئەوەی بۆ دەردەکەوێت کە ئەو ژنانێکی زۆری خۆشویستووە و لەبیری کردوون، بەڵام تاکە کەس کە لەبیری ناکات مالینایە.

کاست[دەستکاری]

  • مۆنیکا بێلووچی بەڕۆڵی مادەلینا سکۆردیا ناسراو بە مالینا
  • جیوسیپێ سولفارۆ بەڕۆڵێ ڕیناتۆ ئەمۆرۆسۆ
  • لوسیانۆ فێدریکۆ بەڕۆڵی باوکی ڕیناتۆ
  • ماتیلدە پیانا بەڕۆڵی دایکی ڕیناتۆ
  • پیترۆ نۆترینانی بەڕۆڵی بۆنزیگنۆری (مامۆستا)
  • گایتانۆ ئەرۆنیکا بەڕۆڵی نینۆ سکۆردیا
  • گلبەرتۆ ئدۆنیا بەڕۆڵی پارێزەرەکە
  • ئەنجێلۆ پیلگرینۆ بەڕۆڵی سەردەکی حیزبی فاشیست

بۆچوونی ڕەخنەگران[دەستکاری]

فیلمەکە ٥٤٪ پێدرا لە ڕۆتن تۆمەیتۆز، بەپێی پێداچوونەوە (ڕیڤیو) ی ٧٨ ڕەخنەگر وە لەگەڵ ٥٫٦/١٠ بە تێکڕا. ڕەخنەگرانی ماڵپەڕەکە ئەوەیان نووسیوە کە کارەکتەری مالینا بەئامراز کراوە بۆ ناونیشانی فیلمەکە، ھەست و سۆزی کوڕە لاوەکە لەگەڵ مالینا قایلکەرانە نییە، وە مالینا کەسێکی سێ ڕەھەندی نییە.[٣] مێتاکریتیک، ٥٤/١٠٠ بە فیلمەکەدا.[٤]

خەڵاتەکان[دەستکاری]

خەڵات پۆل وەرگر ئەنجام
خەڵاتی ئۆسکار باشترین وێنەگرتنی سینەمایی لاجۆس کۆلتا پاڵێوراو
ئۆریجینال سکۆر ئنیۆ مۆریکۆنی پاڵێوراو
خەڵاتی گۆڵدن گڵۆب باشترین فیلمی بیانی پاڵێوراو
ئۆرینجال سکۆر ئنیۆ مۆریکۆنی پاڵێوراو
خەڵاتەکانی فیلمی ئەکادیمیای بریتانی باشترین فیلم بەزمانی ئینگلیزی نەبێت پاڵێوراو
سەندیکای نەتەوەیی ئیتالیا بۆ فیلمی ڕۆژنامەوانیی ئۆریجینال سکۆر ئنیۆ مۆریکۆنی براوە
باشترین مۆنتاژ ماسیمۆ کواگلیا پاڵێوراو
باشترین دیزاینی جلووبەرگ ماوریزیۆ میلینۆتی پاڵێوراو
باشترین پرۆدەکشن دیزاین فرانسیسکۆ فریگێری پاڵێوراو
فیستیڤاڵی فیلمی نێودەوڵەتیی بەرلین گۆڵدن بیر جیۆزێپی تۆرناتۆری پاڵێوراو
خەڵاتەکانی دەیڤد دی دۆناتێلۆ باشترین وێنەگرتنی سینەمایی لاجۆس کۆلتا براوە
باشترین میوزیک ئینیۆ مۆریکۆنی پاڵێوراو
باشترین پرۆدەکشن دیزاین فرانسیسکۆ فریگێری پاڵێوراو
باشترین جلووبەرگ ماوریزیۆ میلینۆتی پاڵێوراو
فیستیڤاڵی فیلمی کاربۆرگ گراند پریکس جیۆزێپی تۆرناتۆری براوە
خەڵاتەکانی فیلمی ئەورووپی باشترین دەرھێنەر پاڵێوراو
باشترین کچەئەکتەر مۆنیکا بێلووچی پاڵێوراو
خەڵاتی کۆمەڵەی ڕەخنەگرانی فیلمی لاس ڤێگاس باشترین فیلمی بیانی پاڵێوراو
خەڵاتەکانی کۆمەڵەی ڕەخنەگرانی فیلمی فۆنیکس باشترین فیلمی بیانی پاڵێوراو
خەڵاتەکانی سەتەلایت باشترین فیلمی بیانی پاڵێوراو
ئۆریجینال سکۆر ئنیۆ مۆریکۆنی پاڵێوراو

سەرچاوەکان[دەستکاری]

  1. ^ مالینا لە بۆکس ئۆفیس مۆجۆ
  2. ^ "مالینا". میراماکس. لە ڕەسەنەوە ئەرشیڤ کراوە لە ٥ی تەممووزی ٢٠١٩. لە ڕێکەوتی ٥ی تەمموزی ٢٠١٩ ھێنراوە. 
  3. ^ "Malena - Rotten Tomatoes". Flixter. لە ڕێکەوتی ٠٤ی ئەیلوولی ٢٠١٨ ھێنراوە. 
  4. ^ "Malena (2000)". Metacritic. لە ڕێکەوتی ٠٥ی ئەیلوولی ٢٠١٨ ھێنراوە.