مارچێلۆ لیپی

مارچێلۆ لیپی
بە ئیتالی: Marcello Lippi
لەدایکبوون	(١٩٤٨-٠٤-١٢) ١٢ی نیسانی ١٩٤٨ Viareggio، ئیتاڵیا
وڵاتی وەرزش	ئیتالیا
ناوی کاتی لەدایکبوون	Marcello Romeo Lippi
زمانەکانی ئاخاوتن	ئیتالی
پیشە	یاریزانی تۆپی پێ، association football coach
شوێنی یاریکردن لە تیپ	بەرگریکار (تۆپی پێ)
ئەندامی تیپی وەرزشی	U.S. Pistoiese 1921، U.C. Sampdoria، Savona F.B.C.، S.S.D. Lucchese 1905، Italy national under-23 football team
وەرزش	تۆپی پێ
خەڵاتەکان	Commander of the Order of Merit of the Italian Republic، Acqui Award of History، Italian Football Hall of Fame
لە ویکیدراوە دەستکاریی زانیارییەکان بکە

مارچێلۆ لیپی (گۆکردنی ئیتاڵی: [marˈtʃɛllo ˈlippi]; لەدایکبووی ١٢ی نیسانی ١٩٤٨)یاریزانێکی پێشووی تۆپی پێی پیشەگەر و ڕاھێنەری ئیتاڵییە، کە سەرکردایەتی ھەڵبژاردەی ئیتاڵیا کرد بۆ سەرکەوتن لە جامی جیھانیی فیفای ٢٠٠٦. لە ھاوینی ٢٠٠٤ تا ٢٠٠٨ ڕاھێنەری ئیتاڵیا بوو، دوای ئەوەی لە جامی جیھانیی فیفای ٢٠١٠ دا ھەڵبژاردەکەی ئاستێکی خراپی پێشکەش کرد، سیزار پراندێلی شوێنی گرتەوە.بەدرێژایی ژیانی وەرزشی وەک ڕاھێنەر، یەک جامی جیھانیی فیفا، پێنج نازناوی خولی ئیتاڵیا، سێ نازناوی سوپەرلیگی چینی، یەک جامی ئیتاڵیا، یەک جامی فیدراسیۆنی چین، چوار جامی سوپەری ئیتاڵیا، یەک نازناوی خولی پاڵەوانەکانی ئەورووپا، یەک نازناوی خولی پاڵەوانەکانی ئاسیا، یەک نازناوی جامی سووپەری ئەورووپا و یەک جامی ئینتەرکۆنتیننتال بەدەستھێناوە. لیپی یەکەم و تا ئێستا تاکە ڕاھێنەرە کە ھەردوو نازناوی خولی پاڵەوانەکانی ئەورووپا و خولی پاڵەوانەکانی ئاسیای بەدەستھێناوە. ھەروەھا یەکەم ڕاھێنەرە کە بەناوبانگترین پێشبڕکێ نێودەوڵەتییەکانی بردبێتەوە ھەم بۆ یانەکانی کیشوەرە جیاوازەکان، چ بۆ ھەڵبژاردە نیشتمانییەکان. لیپی وەک یەکێک لە گەورەترین و سەرکەوتووترین ڕاھێنەرەکان لە مێژووی تۆپی پێدا دادەنرێت و لە ساڵی ٢٠٠٧ ڕۆژنامەی تایمز ناوی خستە لیستی ٥٠ ڕاھێنەری سەرەکی ھەموو سەردەمێکەوە. لەلایەن فیدراسیۆنی نێودەوڵەتی مێژوو و ئاماری تۆپی پێ (IFFHS) لە ھەردوو ساڵی ١٩٩٦ و ١٩٩٨ وەک باشترین ڕاھێنەری تۆپی پێی جیھان دەستنیشانکرا، ھەروەھا لە ساڵی ٢٠٠٦ وەک باشترین ڕاھێنەری نیشتمانی جیھان دەستنیشانکرا